Nota de Prensa
Para a deputada popular “e lícito que se constitúan cantas plataformas se consideren necesarias para garantir os servizos públicos pero o que non poden facer é manipular, alarmar e confundir á sociedade co único fin de buscar o desgaste do actual goberno da Xunta de Galicia”
O PPDEG DEFENDE O RIGOR, A EFICACIA E A AUSTERIDADE NA MODIFICACIÓN DA OFERTA FORMATIVA NA MARIÑA LUCENSE
* Para Emma Álvarez a primeira reivindicación da Plataforma en defensa do ensino público da Mariña xa caeu polo seu propio peso xa que “o sindicato promotor debería saber que existe un prazo de matrícula en setembro e onde non hai problema de prazas, como está a suceder, a matrícula está aberta permanentemente”
* Na Mariña Central quedará a ensinanza secundaria para adultos presencial no IES de Burela e semipresencial en Foz, neste centro cunha asistencia de tan só 2 alumnos, e no bacharelato pasa a ser semipresencial no IES de Monte Castelo en Ciencias da natureza e saúde e en Humanidades, cunha asistencia de 5 alumnos en cada unha delas e tamén semipresencial no IES de Foz en Humanidades con 4 alumnos
* Na Mariña Oriental no IES Mª Sarmiento de Viveiro mantense toda a oferta de secundaria e bacharelato para adultos e na Mariña Occidental no IES Dionisio Gamallo Fierro mantense a ensinanza secundaria presencial e os bacharelatos de Ciencias e Humanidades pasan a ser semipresenciais, nos dous casos cunha asistencia real de 4 alumnos, aínda que o alcalde de Ribadeo indicou que os matriculados eran 18, en realidade foron 18 en Ciencias e 14 en Humanidades
* Nos ciclos formativos tan só haberá reestruturación no centro de Foz e os ciclos de Comercio e Restauración “quedan vivos ata setembro en función dos alumnos matriculados”
A deputada do PP Emma Alvarez Chao nunha reunion co director xeral de Eduacion, Formacion Profesional e Innovacion Educativa
Ribadeo , 9 de xullo de 2010.- Os deputados populares Emma Álvarez Chao e José Manuel Balseiro indicaron hoxe en rolda de prensa que o PPdeG defende o rigor, a eficacia e a austeridade na modificación da oferta formativa na Mariña lucense. Para Álvarez Chao “é lícito que se constitúan cantas plataformas se consideren necesarias para garantir os servizos públicos pero o que non poden facer é manipular, alarmar e confundir á sociedade co único fin de buscar o desgaste do actual goberno da Xunta de Galicia”.
A deputada popular indicou que a primeira reivindicación da Plataforma en defensa do ensino público da Mariña, referida a ampliación do prazo de matrícula para os ciclos formativos ata o mes de setembro, “xa caeu polo seu propio peso xa que o sindicato promotor debería saber que existe un prazo de matrícula en setembro e onde non hai problema de prazas, como está a suceder, a matrícula está aberta permanentemente”.
Segundo Emma Álvarez ao respecto da rede de centros de educación das persoas adultas esta se creou, cun goberno do PP, fai mais de dez anos e a día de hoxe se conserva exactamente igual ou con mínimas variacións “polo que tendo en conta a tendencia a baixa no número de matriculacións dende o ano 2001 e a tendencia de alumnos presenciais pareceríanos que a reorganización era unha necesidade”. Nos centros nos que se ofertan ensinanza presencial para adultos se suprimirán as ensinanzas básicas para adultos de N1 e N2 xa que, segundo o informe sobre a rede de centros de educación de adultos, no presente curso houbo 14 alumnos matriculados no N1 e ningún no N2 , sendo o número de asistentes a clase sómente 4, é dicir, dos alumnos matriculados só o 28% está comprometido coa súa educación.
A deputada popular señalou que aínda que a Plataforma reivindica manter as ofertas formativas para un mínimo de 6 alumnos se manteñen en modalidades semipresenciales con cifras inferiores. Así na Mariña Central quedará a ensinanza secundaria presencial no IES de Burela e semipresencial en Foz, centros cunha asistencia neste último de tan só 2 alumnos, e no bacharelato pasa a ser semipresencial no IES de Monte Castelo en Ciencias da natureza e saúde e en Humanidades, cunha asistencia de 5 alumnos en cada unha delas, e tamén semipresencial no IES de Foz en Humanidades con 4 alumnos.
Ao respecto da Mariña Oriental, Emma Álvarez indicou que no IES Mª Sarmiento de Viveiro mantense toda a oferta de secundaria e bacherelato para adultos e na Mariña Occidental no IES Dionisio Gamallo Fierro mantense a ensinanza secundaria presencial e os bacharelatos de Ciencias e Humanidades pasan a ser semipresenciais, nos dous casos cunha asistencia real de 4 alumnos, aínda que o alcalde de Ribadeo indicou que os matriculados eran 18, a realidade é que foron 18 en Ciencias e 14 en Humanidades. “Alumnos reais foron 4, unha vez máis cifras por debaixo dos 6 que esixe a plataforma.
A deputado popular indicou que nos ciclos formativos tan só hai unha decisión tomada en firme que é a de suprimir o ciclo de informática, cunha media de 6 alumnos matriculados nos últimos 4 anos. Ao respecto do ciclo medio de comercio, con 4 alumnos matriculados neste curso, se mantén vivo ata setembro a espera que se alcance un número mínimo para poder mantelo.
No ciclo superior de restauración, segundo comentou Emma Álvarez, había 6 alumnos matriculados o curso pasado dos que só 3 asistiron a clase e só 1 promocionou a 2º, un único alumno do segundo ano houbo tamén este curso 2010-2011. Dentro desta familia de hostalería e turismo tamén queda vivo ata setembro o ciclo medio para adultos de cociña e gastronomía con 4 alumnos.
Para a deputada popular “debemos deixar ben claro que non se trata de ensinanza obrigatoria, que na actualidade hai 22 familias profesionais cuns 140 títulos formativos e que non se pode ter toda a oferta en tódolos centros, nin tan sequera en toda a comarca, para iso, existen becas para os alumnos co fin de sufragar os custos derivados do desprazamento”.
Segundo Alvarez, “sería unha grave irresponsabilidade do goberno continuar coa oferta formativa actual, tanto en adultos como en Formación Profesional. A decisión rigurosa e austera tomada polo goberno da Xunta é a que de seguro esperaban tódo-los cidadáns conforme a época de crise que nos toca vivir”
Emma Álvarez Chao fixo estas declaracións “para esclarecer a demagoxia que se está a verter en materia de ensino sobre a Mariña para o que solicitei reunirme co Director Xeral de Educación, Formación Profesional e Innovación Educación a fin de coñecer de primeira man a situación actual da oferta e podo asegurar que se está actuando con rigor na modificación da oferta formativa na nosa comarca”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
