NOTA DE PRENSA:
O alcalde socialista protagoniza unha fuxida cara adiante para agochar a súa responsabilidade na mala xestión desta infraestrutura náutico-recreativa pola que incluso podería ter incorrido en responsabilidades administrativas e penais.
BALSEIRO EMPRAZA A ROEL A QUE DEIXE DE ACTUAR COMO UN TALIBÁN POLÍTICO EN RELACIÓN CO PORTO DEPORTIVO
DE VIVEIRO
* O voceiro do Mar se pregunta por qué Viveiro, coa súa alcaldía ao fronte, é o único concello galego no que se están a atopar este tipo de situacións, xa que é so neste concello no que Portos de Galicia se veu na obriga de retirar unha concesión ao Goberno municipal por continuos incumprimentos denunciados polos propios usuarios.
* Balseiro lembra que Roel parece ter adquirido unha posición de permanente confrontación institucional, moi afastada da correcta defensa dos intereses dos seus veciños e que lle levou tanto a adiar e obstaculizar a apertura da residencia de maiores, como a dirixir insultos e posibles calumnias contra Portos de Galicia
Santiago, 2 de xullo de 2010.- O voceiro do Mar do Grupo Parlamentario Popular, Jose Manuel Balseiro Orol, emprazou ao alcalde de Viveiro (Lugo), o socialista Melchor Roel, a que deixe de actuar como un talibán político en relación coa xestión desta infraestrutura náutico recreativa. O rexedor viveirense está a protagonizar nos últimos días unha fuxida cara adiante para así agochar a súa responsabilidade na mala xestión desta infraestrutura portuaria pola que incluso podería ter incorrido en responsabilidades administrativas e, o que aínda sería moito máis grave, presuntamente de tipo penal.
José Manuel Balseiro insiste en que todos os veciños de Viveiro e, de xeito especial os usuarios do porto deportivo, coñecen os déficit de atención que a Alcaldía vén de cometer durante anos ao respecto da xestión desta infraestrutura o que obrigou ao rescate da concesión sobre a mesma por parte de Portos de Galicia. Afondando nesta cuestión o voceiro popular insistiu en que poderíamos estar a falar de feitos de “estrema gravidade”, sen descartar incluso a presunta comisión de delictos como os de prevaricación, coacción e calumnias
Segundo o parlamentario popular o alcalde Melchor Roel non pode seguir empregando ao Concello para obstaculizar o bo funcionamento do porto deportivo, precisamente esa boa xestión que foi incapaz de garantir durante todo este tempo. Na súa opinión o corte de auga realizado nas instalacións náutico recreativas, a retirada do travel-lift, e outro tipo de actuacións de bloqueo son intolerables, absolutamente inaceptables e un claro abuso de autoridade.
Balseiro Orol non se explica como é posible que Melchor Roel renuncie a facer as cousas ben e a defender dun xeito correcto os intereses dos veciños. O ideal, sinala, e o que todos poderíamos esperar dun cargo público como é o Alcalde, é que con independencia de quen o faga, se mostre favorable a que se restablezan os servizos que se lle estaban a negar aos usuarios do porto, feito logrado grazas a intervención do Portos de Galicia. Pola contra, pouco ten que dicir na súa defensa, quen como o Alcalde de Viveiro emprega a calumnia e as malas artes cando outras administracións veñen a solucionar os problemas que ou non soubo ou non quixo atender.
O voceiro do Mar preguntouse, como reflexión final, por qué Viveiro, coa súa alcaldía ao fronte, é o único concello galego no que se están a atopar este tipo de situacións, xa que é so este concello no que Portos de Galicia se veu na obriga de retirar unha concesión ao Goberno municipal por continuos incumprimentos denunciados polos propios usuarios. Segundo o voceiro popular lembra Roel parece ter adquirido unha posición de permanente confrontación institucional, moi afastada da correcta defensa dos intereses dos seus veciños e que lle levou tanto a adiar e obstaculizar a apertura da residencia de maiores, como a dirixir insultos contra Portos de Galicia.
SAÚDOS, GABINETE DE COMUNICACION DO GRUPO PARLAMENTARIO POPULAR DE GALICIA (Para declaracións, contactar co teléfono 981 55 15 19/20)
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
