CERVO .- Na visita que realizou o martes o conselleiro de Medio Ambiente, Territorio e Infraestruturas á comarca visitou San Cibrao “para coñecer da man do alcalde de Cervo, Alfonso Villares, os pormenores do proxecto de construción da nova praza e área de ocio-esparexemento que o consistorio ten previsto iniciar á volta do verán”
Nota de Prensa
HERNÁNDEZ APROVEITOU A SÚA VISITA Á MARIÑA PARA COÑECER OS DETALLES DA FUTURA PRAZA DOS CAMPOS DE SAN CIPRIÁN
* O alcalde de Cervo, Alfonso Villares, explicoulle sobre o terreo ao titular de Medio Ambiente, Territorio e Infraestruturas o proxecto da nova área de ocio e esparexemento
Cervo, 7 xullo de 2010.- Na tarde de onte, trala súa estadía en Xove, o conselleiro de Medio Ambiente, Territorio e Infraestruturas, Agustín Hernández desprazouse ata a vila de San Ciprián para coñecer da man do alcalde de Cervo, Alfonso Villares, os pormenores do proxecto de construción da nova praza e área de ocio-esparexemento que o consistorio ten previsto iniciar á volta do verán.
Na visita, o conselleiro estivo acompañado pola delegada territorial da Xunta de Galicia, Raquel Arias e do parlamentario mariñán do Partido Popular, José Manuel Balseiro. A construción da nova praza, cuxo nome será “Praza dos Campos”, enmárcase dentro do programa “Hurbe” promovido polo Goberno autonómico. Ten un custe de 1.051.000 euros e o seu financiamento corre ao 100% a cargo da Consellería de Medio Ambiente, Territorio e Infraestruturas da Xunta de Galicia a través de dúas axudas concedidas ao consistorio (de 900.000 euros e 151.000 euros respectivamente).
Alfonso Villares aproveitou a breve estadía do conselleiro Hernández para lembrarlle que o Goberno local pretende “crear un espazo urbano para o uso e goce dos seus habitantes que sexa capaz de axudar a que as xentes de tódalas idades podan relacionarse entre si e contribuír así a mellorar a súa calidade de vida”.
A superficie comprendida polo ámbito de actuación desta nova praza é de 6.470 metros cadrados. A praza, substituirá os edificios e outros espazos que actualmente ocupan a parcela, coa finalidade de que o dito espazo se poidan desenvolver actividades de ocio e espallamento ademais doutras ao aire libre como o mercado semanal, xogos infantís e prácticas deportivas.
A acción consiste no deseño espacial que recolle dúas zonas de arboredos a modo de boulevard, formados por unha aliñación de árbores que se sitúan paralelas aos edificios existentes, xerando un espazo estático destinado ao repouso. Tamén quedará un gran espazo central, localizado entre ambas as aliñacións de árbores, cunha clara vocación dinámica para o desenvolvemento das citadas actividades.
A actuación tamén prevé crear, entre a rúa das Figueiras e a rúa Beiramar, espazos destinados a albergar actividades deportivas, zona de xogos infantís e unha área destinada a albergar 30 novas prazas de aparcadoiro público.
As accións necesarias máis destacables centraranse na execución de pavimentos, utilizando materiais tan diversos como o formigón, asfalto, granito, céspede e grava. Tamén se implantará a rede de saneamento, proxectando un sistema de separativo, mediante a renovación de redes de fecais, que dá servizo á edificación existente tanto na praza como na rúa das Figueiras.
Os traballos prevén a instalación da rede de distribución de auga potable, complentándose con bocas de rega e incendio que sexan necesarias. Tamén se colocará a subministración eléctrica, alumeado público e telefonía.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
