CERVO .- O Concello de Cervo asegura que lle cobrará a Deputación por limpar as beiras das súas carreteiras de maleza, ramas e árbores cortadas si o ente provincial non o fai “o máis urxente posible”.
Nota de Prensa
CERVO PÍDELLE POR ESCRITO Á DEPUTACIÓN QUE SE FAGA CARGO DA LIMPEZA E MANTEMENTO DAS CUNETAS DAS ESTRADAS DA SÚA COMPETENCIA
* O Goberno local remitiu esta mañá unha comunicación ao ente provincial para que limpe “o máis urxente posible” as beiras das súas carreteiras de “maleza, ramas e árbores cortadas”
* De non obter resposta, o Concello acometerá as tarefas de mantemento e cobrarálle á Deputación o custe dos traballos
Cervo, 8 de xullo de 2010.- A concelleira de Medio Ambiente do Concello de Cervo, Pilar Armada, anunciou que o Concello remitiu no día de hoxe un escrito á Deputación de Lugo denunciando o mal estado no que se atopan as cunetas das estradas da súa competencia que se atopan dentro do termino municipal.
Segundo indicou a responsable local de Medio Ambiente, o escrito dirixido á Deputación sinala que “ao igual que en anos anteriores” as estradas cervenses de titularidade provincial “están sen rozar polas súas beiras”. En opinión de Armada, o incremento da maleza, xunto coa existencia de ramas e árbores cortadas nas cunetas destas vías “segue empeorando día a día e dificulta a circulación por elas, mentres que por parte da Deputación non se lle da solución algunha” asegurou.
Por iso, dende o Goberno local de Cervo solicitan da Deputación neste escrito que tome as medidas oportunas para a limpeza de tódalas estradas da súa titularidade que transcorren polo municipio do xeito “máis urxente posible”.
Armada tamén adiantou que o Concello dará de prazo á Deputación ata o luns para que inicie os traballos de limpeza. De non facelos, será o Concello quen asuma esas labores de mantemento naquelas estradas máis transitadas. “De non obter ningunha resposta, o luns acometeremos as tarefas de roza e limpeza das cunetas dos viais provinciais máis utilizados coma a estrada entre Río Cobo e San Ciprián. Basicamente para prever posibles riscos de circulación, xa que esta carreteira é moi transitada habitualmente e a vindeira semana o será aínda máis, posto que se van celebrar as festas do Carme” recalcou Armada, quen adiantou tamén que o custe dos traballos que desenvolva o Concello nesta limpeza de estradas “seranlle remitido ao cobro á Deputación para que asuma ditos custes coma titular que é destas infraestruturas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
