CERVO .- O alcalde de Cervo, Alfonso Villares, e a concelleira de Cultura, Chelo Gallego, anunciaron a programación de actuacións musicais organizadas polo concello para o mes de agosto. Os espectáculos son patrocinados polo Xacobeo 2010 a través dun convenio subscrito co concello por valor de 25.000 euros.
Nota de Prensa
Os espectáculos son patrocinados polo Xacobeo 2010 a través dun convenio subscrito co Concello por valor de 25.000 euros
A PROGRAMACIÓN CULTURAL DO CONCELLO DE CERVO PARA O MES DE AGOSTO CENTRARASE NAS ACTUACIÓNS MUSICAIS
* As citas terán lugar nos dous principais núcleos de poboación do municipio ao longo do mes que está a piques de comezar
* O cartel de actuacións pretende cubrir os gustos de tódolos públicos
Cervo, 31 de xullo de 2010.- A concelleira de Cultura, Chelo Gallego, e o alcalde de Cervo, Alfonso Villares, deron a coñecer no día de hoxe a programación de actuacións musicais organizadas polo Concello para o vindeiro mes de agosto. Segundo indicou a responsable municipal da área de Cultura, ditas actuacións terán cabida nos dous principais núcleos de poboación do municipio e realízanse grazas a un convenio por valor de 25.000 euros subscrito entre o consistorio cervense e o Plan Xacobeo 2010 da Consellería de Cultura da Xunta de Galicia.
A edil e o rexedor fixeron fincapé na “importante” aportación que está facendo a Consellería de Cultura a Cervo no financiamento de espectáculos culturais e actuacións musicais. “Xa non se trata so desta programación de agosto, se non que a Consellería de Cultura ven financiando diversas actividades e espectáculos no concello, as cales doutro xeito sería moi difícil que puideramos ter aquí” dixo Villares. Pola súa parte, Chelo Gallego, destacou o nivel dos grupos programados no cartel. “Agosto é principalmente un mes festivo no noso concello, e por iso intentamos xestionar unha programación de actuacións musicais que se integraran nas festas e nas celebracións máis senlleiras do noso concello… Ademais, quixemos que foran grupos do gusto de tódolos públicos en xeral”.
O calendario de actuacións é o seguinte:
• Xoves 5 de agosto de 2010 •
23 horas, na Prazoleta de S. Ciprian. Todos os públicos
BELLON MACEIRAS (QUINTETO)
Nesta andaina o dúo (Dani e Diego) reforzase co acompañamento de novos timbres de instrumentos como o contrabaixo, guitarra, batería ou saxo. Pódese escoitar un novo estilo musical, cheo de sorpresas e fusións moi peculiares sen perder a esencia galega.
Nesta nova aventura, son capaces de trasladarnos nunha viaxe musical por distintas terras do mundo, afondando nas súas melodías e caracterizándoas, como fixeron sempre os emigrantes galegos, ao xeito e facer galego. Ademais de amosarnos dende un punto de vista único estas culturas, tamén poderemos ver melodías da súa propia composición que misturan a tradición xunto cos cortes máis contemporáneos da música galega.
•Venres, 6 de agosto de 2010 •
23:00 horas, Prazoleta de S. Criprian. Concerto adicado a xuventude. (Actuación estelar dentro do festival xuvenil de S. Ciprian ‘Arroutada 2010’.)
FESTICULTORES
O 31% da poboación de Cervo se corresponde co sector xuvenil, polo que este Concello é un dos máis novos de Galicia e unha gran parte da nosa oferta cultural vai dirixida a este colectivo. Os concertos, centrados sobre todo en ámbitos como a música celta ou tradicional galega, convértese na principal vía pola que tratamos de achegar aos máis novos do Concello. A música é un dos factores culturais máis importantes para a afirmación dos valores e da cultura do pobo galego e especialmente o folk ten gran acollida por parte da poboación máis nova do Concello e dos miles de turistas que cada ano visítannos e que tanto gozan do noso talento.
Festicultores Troupe, amosaran a súa festa enriba dun esceario, a onde transportan as atmosferas ciganas e festeiras para non deixar de bailar durante máis de 90 minutos garantindo a calidade e profesionalidade dun producto final moi satisfactorio para o cliente.
• Martes 17 de agosto de 2010 •
23 horas.Praza do Souto de Cervo. Todos os públicos
(Dentro da programación das Festas patronais de Cervo)
QUEMPALLOU
Os puntos fundamentais deste grupo folk son o traballar sobre os ritmos tradicionais galegos tentando conserva-la súa frescura orixinal, e ante todo buscando un estilo moi bailábel para goce tanto dos propios músicos coma do público. Quempallou pódese gabar de facer dos seus concertos unha festa rachada, entre pasodobres, rumbas, muiñeiras, polcas etc para diversión de tódolos públicos.
Moitas actuacións realízanse coincidindo coas festas patronais para asegurarse gran afluencia de publico tanto local como de visitantes que se achegan a gozar das verbenas e festas que tanta impresión e satisfaccion lle provocan.
• Mércores 18 de agosto de 2010 •
23 horas Praza do Souto de Cervo. Adicado especialmente a xuventude. No marco da programación das Festas patronais de Cervo.
TIRULEQUE
Este grupo musical acada o seu propio son, identificable tanto en temas tradicionais como en composicións propias reinterpretando en certa maneira a tradición.
Esta banda que mestura música instrumental con temas cantados conseguen a interacción do público que acaba cantando e bailando con eles.
• Venres 27 de agosto de 2010 •
Cervo. 19:30 Horas. Dirixido ós máis novos.
O XOGO DO XACOBEO
Xogo en vivo para nenos de 6 a 13 anos no que 7 actores plantexaran probas que deben superar para recibir a “compostelana”·.
O obxectivo desta proposta é dar a coñecer os nenos e nenas, a través dunha proposta lúdica e innovadora unha opción de ocio, recreativa, deportiva e cultural para o goce do Camiño de Santiago.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
