CERVO .-O vindeiro 5 de agosto ás 18.00 horas no campo da Bidueira, en Cervo, os clubs de fútbol de Segunda División-B C. D. Lugo e Caudal Deportivo Mieres disputarán o “Trofeo Concello de Cervo”.
Nota de Prensa
O CLUB DEPORTIVO LUGO E O CAUDAL DE MIERES DISPUTARÁN O TROFEO “CONCELLO DE CERVO”
Cervo, 28 de xullo de 2010.- Os clubs de fútbol de Segunda División-B C. D. Lugo e Caudal Deportivo Mieres disputarán o vindeiro 5 de agosto ás 18.00 horas no campo da Bidueira (Cervo) o “Trofeo Concello de Cervo”. Así o deron a coñecer este mediodía Rubén Fernández, concelleiro de Deportes do Concello de Cervo, e Santiago Álvarez, directivo da SD Cervo-Sargadelos durante un breve acto nas instalacións do consistorio cervense.
Segundo indicou o edil de Deportes, o trofeo xurde das xestións feitas dende o Concello de Cervo “e ven a complementar a oferta lúdico-deportiva que está a desenvolver o Concello durante estes meses de verán coma o torneo de fútbol-7, o torneo de tenis, ou outras celebracións vencelladas co deporte” indicou Fernández. Neste senso lembrou que o Concello de Cervo ven facendo ano tras ano un gran esforzo en materia deportiva “o que se traduce non só no aumento da práctica do deporte dos nosos veciños ou na celebración de campionatos e eventos de carácter local, se non tamén na elección das nosas instalacións para organizar campionatos a nivel autonómico coma o de categorías inferiores de baloncesto feminino celebrado hai uns meses; ou o de apnea que tivo lugar hai poucas semanas na piscina municipal”.
RETOMAR O TORNEO
Tanto o representante municipal, coma o directivo da SD Cervo-Sargadelos coincidiron en sinalar que este encontro servirá tamén “como unha oferta deportiva máis para os afeccionados” e indicaron que a iniciativa nace coa intención de retomar o torneo de fútbol que se viña celebrando habitualmente nesta localidade polas datas de verán. “O torneo orixinario tivo 5 edicións e hai xa uns 15 anos que non se celebra. Vimos que era unha boa idea retomar este torneo e aínda que nesta edición o formato será só de un único encontro, tampouco desbotamos a idea de organizar un torneo entre varios equipos en vindeiros anos” indicou Rubén Fernández.
TENIS
Por outra banda, o concelleiro de Deportes lembrou que permanece aberto o prazo para o torneo de tenis que organiza o Concello nas pistas do Club Deportivo Río Cobo do 4 ao 7 de agosto. Rubén Fernández, indicou que os partidos desenvolveranse en horario de tarde-noite. O prezo de inscrición para participar no torneo será de 12 euros e os interesados teñen de prazo ata o 1 de agosto para formalizar a súa inscrición. Haberá trofeos para o 1º e 2º clasificado. Para ampliar información poden dirixirse ao número de teléfono 626892177
PISTAS DE PÁDEL
Ademais, o edil cervense tamén lembrou que permanecen a disposición do público en xeral as pistas de padel inauguradas na área de lecer do polígono de Cuíña o pasado mes de maio polo Concello de Cervo. A utilización desta instalación deportiva de uso publico ten un prezo de 3,30 euros a hora, sendo o seu período máximo de reserva de hora e media e sen destinguir entre censados e non censados no concello. A pista de pádel está xestionada dende a piscina municipal e terá os mesmos horarios de utilización que esta. Nela (na piscina) é onde se deben facer as reservas e o pago pola utilización da pista. No momento de formalizar a reserva, os usuarios deberán deixar o seu carné de identidade cando vaian a retirar a chave da instalación e devolveráselles cando fagan entrega das chaves na piscina municipal.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
