RRIBADEO (FNC) .- O Centro de Información ás Mulleres de Ribadeo xa conta con blogue na rede. Denomínase ribadeomuller.wordpress.com e nel as mulleres poderán atopar toda a información do seu interés e ademáis ofrécelles a posibilidade de deixar os seus comentarios.
A concelleira da Muller explicou que “se trata dunha maneira máis de difundir a actividade que se está facendo desde o Centro de Informacion á Muller no ámbito da muller e da igualdade. Parécenos que as novas tecnoloxías son algo que forman parte do noso mundo, da nosa cultura e que é un bo medio utilizar a rede para difundir a actividade que se esta facendo tanto desde a propia institución municipal, neste caso desde o CIM e desde a propia Concellaría, como desde outros ámbitos, chámese Secretaria Xeral de Igualdade ou Ministerio de Igualdade, é dicir todas aquelas entidades que traballan a prol de conquerir a igualdade e o traballo coas mulleres”.
Mariluz Álvarez Lastra sinalou que “a parte de difundir a nosa actividade municipal e do consello municipal da muller trátase tamén de colgar nel cousas para que a xente teña toda a información daquelas actividades e iniciativas que se realizan desde outros ámbitos, como asociacións ou entidades, e que nós podamos facer a sua difusión. O noso obxectivo vai ser en primeiro lugar utilizar esta plataforma para que seña de fácil acceso para todas as mulleres e a cidadanía en xeral e despois temos outro reto: a partir do mes de setembro tratar de fomentar a alfabetización dixital das mulleres do noso concello e tamén de toda a cidadania, para que podan acceder a ela. É dicir, que sexa unha ferramenta útil e áxil e ao mesmo tempo que nós sexamos capaces de formar ás mulleres para que poidan utilizala da mellor maneira”.
Os promotores do blogue foron a directora do CIM, Luisa González, e Suso López. Éste explicou que “contará con varios apartados: noticias e comentarios, campañas e recursos, teléfonos de contacto, buscador e ligazóns”. López dixo que “nas ligazóns inclúense páxinas institucionais como a do Concello de Ribadeo, a da Secretaria Xeral de Igualdade da Xunta de Galicia, a do Ministerio de Igualdade do goberno do estado ou dalgunha campaña puntual relacionadas coa procura da igualdade efectiva entre mulleres e homes. A maiores tamen hai traballos de institucións ou de outros organismos que non están tan achegados a Ribadeo física ou xeográficamente, pero si nas intencións. Por exemplo aí podedes atopar a unha plataforma de mulleres artistas que traballan na loita contra a violencia de xénero, unha paxina dun observatorio catalán que está traballando en temas relacionados coa cobertura da información en situacions de conflicto e aparecen tamen algunhas campañas que se puxeron en marcha en Latinoamérica e que poden ser cousas de interese tamén para Ribadeo”.
Suso López engadiu que “hai algo tamén moi importatne, que un blogue permítenos que nos vexan noutros lugares e que outros lugares aprendan de Ribadeo e que nós tamén poidamos aprender do que se fai noutros lugares a través dos comentarios. É singular, por exemplo, que ao segundo dia de estar aberto o blogue nun período de probas, o Concello de Cambre, o seu CIM, xa linkou a sua páxina ao noso blogue e estiveron descargando material, comentaron algunha cuestión que lles parecía moi ben e outras que nos suxerían para mellorar. E ese e o espíritu co que traballa o blogue Ribadeo muller.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
