NOTA DE PRENSA:
O BNG celebra o 23 de Xullo o Día da Patria na Pontenova.
O Bloque Nacionalista Galego vai celebrar o vindeiro Venres 23 de Xullo ás 21:00 h un acto público no Hotel San Briz da Pontenova aberto a toda a poboación do Concello no que participaran Francisco Rodríguez (Executiva do BNG), Federico G. Estoa (Alcalde de Riotorto) e Mónica Rancaño (C.Local do BNG) co fin de explicar a significación política do Día da Patria Galega.
Os nacionalistas consideran que esta edición do Día da Patria Galega significa a apertura dun novo curso político que vai supoñer o asentamento da alternativa nacionalista nos Concellos da Comarca de Meira, na medida que teñen o convencemento de que nas municipais do vindeiro ano, a maiores de manter as posición naqueles Concellos onde ten a Alcaldía, vai representar a volta do BNG as corporacións de Meira e A Pontenova. “O nacionalismo vai ser determinante na vida política do Concello da Pontenova” afirmou Rancaño quen destacou “o aumento de apoios do BNG na Pontenova e a sintonía do nacionalismo coa cidadanía do Concello”.
Na mesma liña Rancaño indicou que a actual situación política que esta marcada por unha situación de crise económica obriga aos Concellos a definir con clareza as prioridades de gasto, e nese sentido determinar con claridade, porque se aposta. “Os nacionalistas poñemos por diante de todo as persoas, particularmente quen máis o precisa, polo que é necesario impulsar o gasto social. Non é tolerábel que os Gobernos Locais operen de marionetas da administración central ou autonómica, executando recortes e deixando aos veciños tirados”, recalcou Rancaño.
Os nacionalistas da Pontenova que acudiran este ano a manifestación do Día da Patria Galega quixeron convidar aos veciños de participar da marcha que o nacionalismo convoca para o 25 de Xullo e nesa liña anunciaron que haberá autobuses que saíran da Pontenova o mesmo 25 e que retornará no día. A Portavoz Nacionalista afirmou que a xornada deste ano pretende ser un “clamor popular en demanda dun novo estatuto de nación para Galiza, que modifique o marco das relacións entre o noso País e Estado e que permita dotarnos que nos protexan, precisamente en momentos de crise económica. Un novo Estatuto de Nación é fixar tamén un novo marco de financiamento para Galiza, un aumento das inversións no noso País, en definitiva e un instrumento xurídico político para combater a crise”
O Bloque Nacionalista Galego indicou que as políticas que está a levar adiante o Goberno do Estado en materia de política económica deixa sen alternativa ao Partido Popular. “Malamente Rajoy pode poñer enriba da mesa políticas alternativas ás de Zapatero, posto que Zapatero apuntouse ao receitario económico da dereita máis reaccionario” destacou Rancaño quen defendeu “que só o BNG defende unha alternativa diferente a crise que non pase por salvar á banca e transferirlle o custo das súas falcatruadas aos traballadores e as arcas públicas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
