CERVO .- O alcalde de Cervo, Alfonso Villares, anunciou que as tarifas de venta que fixe o consorcio polo subministro da auga serán as mesmas para ámbolos dous concellos. “Con esta equiparación de prezos corrixirase unha inxustiza que levaba padecendo o noso municipio dende hai moitos anos… Non era lóxico que a pesares de que a auga procedera de Rúa o custe do abastecemento fose moitísimo menor para Burela ao subministrarse por gravidade, mentres que para Cervo e San Ciprián o subministro tiña que chegar mediante bombeos, o que provocaba un encarecemento dos custes. Agora iso vaise acabar.
Nota de Prensa
A reunión do órgano reitor reunirase mañá para tratar entre outros temas os custes de xestión da nova infraestrutura que dará servizo aos dous concellos
O CONSORCIO DA AUGA FIXARÁ UN PREZO ÚNICO PARA O SUBMINISTRO DE AUGA A CERVO E BURELA
* O alcalde, Alfonso Villares, cree que esta equiparación virá a corrixir o desequilibrio de prezos que padecía Cervo polo subministro
Cervo, 13 xullo de 2010.- O alcalde de Cervo, Alfonso Villares, adiantou hoxe que a reunión de mañá do consello reitor do consorcio para a xestión e explotación da futura rede de auga aos concellos de Cervo e Burela servirá “entre outras cuestións” para profundizar no estudo de custes de explotación desta infraestrutura hidráulica que ten previsto entrar en funcionamento nos vindeiros meses.
Subministro por gravidade
Neste sentido lembrou que as tarifas de venta que fixe o consorcio polo subministro da auga serán as mesmas para ámbolos dous concellos. “Con esta equiparación de prezos corrixirase unha inxustiza que levaba padecendo o noso municipio dende hai moitos anos… Non era lóxico que a pesares de que a auga procedera de Rúa o custe do abastecemento fose moitísimo menor para Burela ao subministrarse por gravidade, mentres que para Cervo e San Ciprián o subministro tiña que chegar mediante bombeos, o que provocaba un encarecemento dos custes… Agora iso vaise acabar porque cando a nova rede entre en funcionamento todos os veciños dos dous concellos recibirán a auga por gravidade. Poderemos, pois, prescindir dos bombeos do río Rato e do río Cobo, e só se utilizaría o bombeo entre o embalse de Río Cobo e A Senra en casos de extrema urxencia e necesidade e sería para abastecer aos dous municipios indistintamente” recalcou Villares.
O alcalde asegurou que o equipo de Goberno local leva traballando dende hai 10 anos para corrixir este tipo de desequilibrios entre municipios na xestión desta infraestrutura “e garantir así a igualdade e a equiparación do nivel de servizos que van a recibir tódolos cidadáns que se subministren desta rede de augas”. Neste sentido recalcou que os concellos pagarán en función do consumo de auga “e para iso o lóxico será que ámbolos dous concellos dispoñan dun sistema de medición que controle con rigor a auga subministrada”. Ademais recordou que máis do 95% desta infraestrutura hidráulica transcorre por territorio cervense e que os embalses que abastecerán a ámbolos dous concellos están situados tamén neste municipio. “Por iso, para Cervo sempre foi importante esta obra e así o defendimos en todo momento diante de Augas de Galicia co obxecto de conseguir darlle un trato igualitario para os dous territorios e sen distinción entre núcleos de poboación e zonas rurais”
30 quilómetros de tubaxes
Os traballos da nova rede de subministro de auga para Cervo e Burela comezaron en setembro de 2007 e o seu investimento global superou lixeiramente os 5,4 millóns de euros. As obras centráronse na construción dunha nova estación de tratamento de auga potable (ETAP) na Senra, que recibirá a auga dende o embalse de Rúa e dende o encoro do río Cobo, aínda que esta última captación só se utilizará en casos puntuais e de emerxencia para garantir o subministro aos dous municipios. Para isto construíuse unha condución de máis de 8,5 quilómetros dende o encoro de Rúa ata a nova ETAP e se acometeu unha nova captación de 4,5 quilómetros de lonxitude dende o encoro de Río Cobo á ETAP da Senra. Paralelamente a isto se construíu unha rede de condución da auga tratada para levar a auga potable a tódolos puntos dos dous municipios e a cal ronda os 30 quilómetros de lonxitude.
A ETAP da Senra posúe uns depósitos de 2.500 metros cúbicos e poderá potabilizar 120 litros de auga por segundo. Segundo os estudos técnicos a capacidade de tratamento da estación da Senra poderá cubrir as necesidades de ámbolos dous municipios nos vindeiros 25 anos e ten ademais a posibilidade de aumentar nun 50% a súa capacidade do seu tratamento inicialmente previsto. As previsións dos técnicos cuantifican en 3.886.812 metros cúbicos os que poderán ser tratados anualmente na nova ETAP da Senra.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
