O día 5 do pasado xuño celebrouse, coma cada ano dende que en 1972 o establecera a ONU, o Día Mundial do Medioambiente. O turismo é un dos aspectos mais importantes e en plena expansión da economía mundial; compatibilizar a industria turística e a protección do medio ambiente debe ser primordial para acadar o obxetivo dun turismo sostible; precísase polo tanto un planeamento ordenado e respectuoso coa natureza e evitar así a súa destrucción por mor dun desarrollo desconsiderado cos valores que son a razón de ser dun mercado baseado na chamada dos atractivos naturais: a beleza e salubridade dos contornos; a riqueza cultural nos mais variados aspectos; o interese da historia e cantas consideracións podan exercer de talismán para as persoas que buscan o contrapunto á existencia agobiante e artificiosa da cidade.
Os nosos pobos, sen renunciar á modernidade, teñen que conservar as singularidades tradicionais dunha vivencia social e humana pracenteira e distendida que só se logrará dende o respecto ó medio natural, con espacios para a convivencia, que no diseño urbanístico e dotacional debe primar para garantir a permanencia dunhas condicións de vida anheladas por quen elixen como destino lugares que ofrezan tales condicións, e deixar esta herdanza ás xeracións vindeiras.
Sin embargo a actividade turística actual, así como un urbanismo socabado por especulacións públicas e privadas, expresa ben a contradicción existente entre unha sociedade cada vez mais interesada na conservación do patrimonio natural e cultural, e a degradación resultante do mesmo cando non existe un planeamento adecuado e non se emplean solucións sensatas e non agresivas, que permitan un desarrollo sostible.É certo que éste esixe a participación de tódolos axentes relacionados co sector, así como espacios de diálogo e sensibilización e apertura ás innovacións; traballo conxunto que, finalmente, require protagonismos compartidos. A “democracia é ceder autoridade para compartir”.
Suso Fernández
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
