BURELA .- Nenos e nenas puideron xogar a fútbol e volei praia, escalar o rocódromo, e practicar piragüismo e tiro con arco, entre outros na xornada lúdico-deportiva, “Lánzate ao Verán”, que se celebrou en Burela. O delegado de Deporte da Deputación, Antonio Veiga, visitou o acompañado por Neves Cando, tenente de alcalde do concello, e José Antonio Sama, responsable da empresa organizadora desta xornada
Nota de Prensa
ANTONIO VEIGA VISITOU A EXPLANADA DO PORTO BURELAO, ONDE SE DESENVOLVE HOXE A XORNADA “LÁNZATE AO VERÁN”
O tempo acompañou a esta actividade lúdico-deportiva, e os nenos e nenas puideron xogar a fútbol e volei praia, escalaar o rocódromo, e practicar piragüismo e tiro con arco, entre outros
A Área de Deporte da Deputación promove “Lánzate ao verán” desde a primeira edición, no ano 2008
BURELA, 17 de xullo de 2010. O delegado de Deporte da Deputación, Antonio Veiga, visitou hoxe a explanada do porto de Burela, onde se desenvolveu durante todo o día a xornada “Lánzate ao Verán”, acompañado por Neves Cando, tenente de alcalde do concello, e José Antonio Sama, responsable da empresa organizadora desta xornada de actividades lúdicas que fomenta o deporte entre a xente nova do concello mariñao.
Na primeira e segunda edicións deste programa de actividades lúdicas que se desenvolven na provincia de Lugo xa participaran mozos e mozas de xeito gratuíto. Nesta ocasión, o volei praia e o fútbol praia, ademais da tirolina, obradoiros, piragüismo e xogos populares son algunhas das alternativas de ocio que o programa de “Lánzate ao verán” preparou para os nenos e nenas asistentes, entre os que se atopaban os que participaron no campus de fútbol base que organizou o CD Burela FS e se estivo a celebrar dende o pasado mércores no concello burelao. Por sorte, o tempo acompañou nesta xornada e todos os xogos e actividades preparadas gozaron dun grande éxito.
A participación neste programa é aberta, e aqueles rapaces e rapazas que previamente se inscribiran puideron ademais participar no picnic-comida e na merenda. A xornada arrancou ás 11 da mañá e ao longo do día moita xente nova disfrutou do circuíto deportivo con 6 zonas de xogo.
As actividades estiveron divididas por emprazamentos:
– EXPLANADA DO PORTO (onde se levarán a cabo as seguintes actividades)
o GRAN XOGO – baixo a temática “Busca do Tesouro da Mariña”, (onde os rapaces terán que ir superando diversas probas de enxeño, deportivas, habilidade, etc., relacionadas con A Mariña Lucense
o OBRADOIROS: Refugallo, Malabares, Globoflexia e Chapas,
o XOGOS- xogos populares (a corda, catabañola, pano, petanca,…), xogos con paracaídas e xincana deportiva.
o INCHABLES – multiarcos, exipcio, multiaventura, rocódromo
o AVENTURA – tirolina, tiro con arco
o MULTIDEPORTE – basket 3×3, fútbol 3×3
o INCHABLES, basket 3×3, fútbol 3×3, rocódromo, tiro con arco e tirolina)
– PRAIA DE PENOURAL – onde se levará a cabo a actividade de PIRAGÜISMO
– PRAIA DO PORTELO – onde se levará a cabo na xornada de tarde a actividade de FÚTBOL PRAIA e VOLEI PRAIA
Ás 13:30 horas tivo lugar a “milla urbana” polas rúas de arredor da explanada, controlada en todo momento pola garda civil, e con saída dende a explanada do porto. Os participantes recibiron como obsequio unha camiseta conmemorativa.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
