RIBADEO .- O xefe territorial de Cultura e Turismo da Delegación Territorial de Lugo, José Carlos Rodríguez Andina, participou hoxe en Ribadeo, no forte de San Damián, na inauguración da exposición pictórica itinerante Mulleres, pintoras, artistas, lucenses, coa que se pretende “dar a coñecer e promover o traballo das mulleres non só na arte, senón tamén noutros ámbitos como a política, a empresa ou a familia”.
A mostra, organizada pola Delegación Territorial de Lugo o pasado mes de marzo con motivo da celebración do Día da Muller Traballadora, chega a Ribadeo dende o veciño concello de Cervo, onde puido visitarse ata o pasado 15 de xullo, e nos próximos meses pasará polos municipios de Sober, Quiroga e Outeiro de Rei.
O obxectivo da exposición é, como lembrou Andina, “dar a coñecer, a través da arte, o traballo que realizan as mulleres e reivindicar a súa inclusión en condicións de igualdade en tódolos campos de actividade”.
Neste sentido, o xefe territorial destacou “o entusiasmo co que as artistas acolleron esta iniciativa”, na que colabora ademais a Secretaría Xeral de Igualdade. Andina tamén quixo expresar o seu agradecemento aos concellos que ao longo de todo o verán irán acollendo esta mostra pictórica itinerante e que, coa súa colaboración, farán posible que veciños e visitantes de toda a provincia poidan gozar desta iniciativa.
Pegada local
A exposición está formada inicialmente por 24 obras doutras tantas artistas, ás que se agarda que en cada unha das localidades se sumen os traballos dalgunha pintora local coa finalidade de ofrecer unha panorámica o máis completa posible do labor artístico realizado polas mulleres de Lugo.
As artistas que participan na mostra son Xosefina Alvarez Pol, Sabela Arias, Blanca Besteiro, Ana Carballo, Eva Corral, Luz Darriba, Fina Eiros, Gabriela Fole, Inmaculada González Salvadores, Dolores Guerrero, Mercedes Hernández Ruíz, Flor Longo Huelga, Jovita López Veres, Luz López, Estefanía Novo, Pilar Palmeiro, Concepción Paz Montenegro, Luisa Paz Montenegro, Elena Pendás, Xedes Peón, María Luisa Pérez Novoa, Hortensia Santamarina, Vanessa Somoza e Martha Torres. Na edición de Ribadeo, cóntase coa participación de Miriam Noemí Ferreyra Paizal, pintora afincada nesta localidade.
O resultado é unha mostra moi heteroxénea, que ten o seu reflexo na diversidade de técnicas e estilos pictóricos, que van dende o arte figurativo á abstracción e o hiperrealismo. O denominador común é que todas son mulleres e todas son lucenses, de nacemento ou de adopción.
A exposición Mulleres, pintoras, artistas, lucenses permanecerá no forte de San Damián ata o vindeiro 8 de agosto, e dende alí trasladarase aos concellos de Sober, Quiroga e Outeiro de Rei nos próximos meses.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
