BURELA .- Comeza o III Seminario de Jazz e Música Moderna de Burela que se desenvolverá durante a toda a semana e concluirá o venres 23, con un concerto de clausura que terá lugar no auditorio da Casa da Cultura ás 20.00 horas.
Nota de Prensa
Comeza o III Seminario de Jazz e Música Moderna de Burela
O próximo domingo dará comezo o III Seminario de Jazz e Música Moderna de Burela. O acto de presentación consistirá nun concerto que terá lugar na Casa da Cultura, ás 20:00 horas a cargo da S.E.M. Big Band, formación da escola de música Estudio de Santiago de Compostela, dirixida por Suso Atanes. Os rapaces e rapazas da Burela Blues Band, dirixidos por Israel Arranz serán os teloneiros da agrupación compostelá.
A S.E.M. Big Band é unha formación creada no ano 1996 polo profesorado e alumnado de Estudio Escola de Santiago de Compostela, centrando o seu repertorio en arranxos dos temas máis coñecidos do jazz, así como boleros, cha cha cha, blues, etc. Está formado por uns 25 músicos nos que se inclúen sección rítmica, sección de ventos e voces masculinas e femininas. Desde a organización do Seminario queremos convidar a todos os veciños e veciñas de Burela e de toda a Mariña a que acudan a este concerto tan especial do que seguro van levar un bo sabor sabor de boca.
O Seminario de Jazz e Música Moderna desenvolverase durante a próxima semana e concluirá o venres 23, con un concerto de clausura que terá lugar no auditorio da Casa da Cultura ás 20.00 horas.
Este curso dedicado ao jazz e outros estilos de música moderna, así como á improvisación musical será impartido por seis profesores especialistas nas distintas familias instrumentais: Leo Giannetto (voz e guitarra), José Nine (vento madeira), Roberto Pacheco (vento metal), Javier Constenla (piano), Quique Alvarado (baixo eléctrico) e Miguel Cabana (batería).
Durante toda a semana haberá concertos, ademais dos xa mencionados de presentación e clausura. Estes concertos serán no Atrezzo Café ás 22:00 horas e estarán a cargo das seguintes formacións:
Domingo, 18 de xullo, ás 20:00 horas no auditorio da Casa da Cultura
Concerto de presentación
Burela Blues Band
S.E.M. Big Band
Luns, 19 de xullo, ás 22:00 horas no Café Atrezzo
Combo de “profes” + Jam Session
Martes, 20 de xullo, ás 22:00 horas no Café Atrezzo
Jam Session de alumn@s
Mércores, 21 de xullo, ás 22:00 horas no Café Atrezzo
Marcos Pin Trío + Jam Session
Xoves, 22 de xullo, ás 22:00 horas no Café Atrezzo
Marosa Jazz Project + Jam Session
Venres, 23 de xullo, ás 20:00 horas no auditorio da Casa da Cultura
Concerto fin de curso
Desde a organización queremos agradecer ás distintas entidades que colaboran coa organización do Seminario e fan que isto sexa posible.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
