CERVO .- Edís da corporación de Cervo e representantes de colectivos locais particiapron onte nos actos de izado das bandeiras azuis da praia sancibrense da Caosa e do Ecomuseo de Cervo Terras de Azul Cobalto.
Nota de Prensa
CERVO IZOU ONTE AS SÚAS BANDEIRAS AZUIS CON SENLLOS ACTOS EN CERVO E SAN CIPRIÁN
* Nos actos estiveron presentes os edís da Corporación cervense encabezados polo seu alcalde Alfonso Villares Bermúdez e no que tamén asistiron representantes de colectivos locais
* O Ecomuseo de Cervo Terras de Azul Cobalto foi recoñecido por terceiro ano consecutivo cunha Bandeira Azul pola consolidación e posta e en valor do patrimonio cultural e paisaxístico do concello
* O areal sancibrense da Caosa obtivo esta distinción europea por cumprir os requisitos de calidade nas súas augas, nos servizos e na seguridade da súa zona e área de baño
Cervo, 27 de xullo de 2008- O Concello de Cervo procedeu onte a última hora da tarde ao izado das Bandeiras Azuis que a ADEAC (Asociación de Educación Ambiental e do Consumidor) concedeu nas pasadas datas, ao Ecomuseo Terras de Azul Cobalto e ao areal sancibrense da Caosa.
En senllos actos de izado estiveron presentes varios membros da corporación cervense encabezados polo seu alcalde Alfonso Villares Bermúdez e no que tamén asistiron representantes de asociacións e colectivos locais.
Desde o Executivo municipal recordaron que a bandeira azul conseguida polo Ecomuseo “Terras de Azul Cobalto” ven a recoñecerse o proxecto museístico posto en marcha polo Goberno municipal e, máis en concreto, a súa aposta pola preservación do patrimonio cultural, natural e paisaxístico do concello.
CAOSA
No caso do areal sancibrense da Caosa, os responsables locais lembraron que se trata de recoñecer aquelas praias que cumpren con “rigorosos requisitos de calidade nas súas augas, nos servizos e na seguridade da súa zona e área de baño”, así como tamén “a realización de actividades de calidade e xestión ambiental”. A finalidade última do galardón concedido á praia da Caosa “resulta ser unha aposta clara polo desenvolvemento sostible do turismo e do conxunto do litoral”.
Pola súa banda o alcalde cervense salientou que o executivo local leva traballando dende hai anos para a consecución destes recoñecementos “e por iso, confiamos non só en poder revalidalos en vindeiras edicións, se non que tamén creemos que volveremos a recuperar a bandeira azul perdida este ano na praia do Torno” indicou.
MANTEMENTO
O rexedor local lembrou as dificultades ás que se tivo que enfrontar o Concello para ter en condicións os areais do municipio por mor do temporal de choivas torrenciais acaecidas a mediados de xuño “e que ocasionou o arrastre de materiais ás praias e nalgúns casos, coma na de Rueta, o derrubo dos seus accesos que aínda estar sen arranxar”. Así mesmo aproveitou para reiterar o seu agradecemento á Xunta de Galicia polo “esforzo económico” investido neste concello a través da contratación de persoal para levar adiante os traballos de acondicionamento e mantemento das praias do municipio, “cousa que non aconteceu nos catro anos nos que estivo o bipartito á fronte do Goberno autonómico” e agradeceron así mesmo a colaboración do Concello de Xove pola cesión de maquinaria para estas tarefas.
A LIMPEZA ACORDE COS CRITERIOS TÉCNICOS
Por último, o primeiro edil destacou que a limpeza que se está a facer nos areais do termino municipal axústase “escrupulosamente” aos criterios técnicos marcados pola Asociación de Educación Ambiental e do Consumidor (ADEAC), organismo europeo que outorga as bandeiras azuis da UE. “A existencia en ocasións de algas nas praias obedece a unha recomendación de ADEAC para que se evite na medida do posible a retirada das algas, xa que estas constitúen un compoñente natural do ecosistema mariño e a súa presencia contribúe a fixar a area e evitar a súa perda, ademais de seren beneficiosas para a vexetación, as aves e os crustáceos que as usan de alimento” reiterou o rexedor.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
