CERVO .- O concello de Cervo abriu ao público a piscina de Rio Cobo tras finalizar os traballos de limpeza, acondicionamento e reparación, que se prolongaron debido aos danos ocasionados polas choivas do pasado mes de xuño. A piscina olímpica municipal de Lieiro pechará en agosto por tarefas de mantemento, aínda que este ano coma novidade permanecerán abertos ao público o servizo de sauna e o ximnasio.
NOTA DE PRENSA
O Concello xestiona as instalacións sitas nesta urbanización que dispoñen dunha variada oferta deportiva
OS VECIÑOS DE CERVO XA GOZAN DA PISCINA AO AIRE LIBRE DE RIO COBO
* Como é habitual, a piscina olímpica municipal de Lieiro pechará en agosto o seu vaso por tarefas de mantemento, aínda que este ano coma novidade permanecerán abertos ao público o servizo de sauna e o ximnasio
Cervo, 29 de xullo de 2010.- Os veciños de Cervo teñen a oportunidade de facer uso das piscinas ao aire libre sitas na urbanización Rio Cobo. Así o explicaron desde a concellaría de Deportes que dirixe o edil Rubén Fernández.
Unha vez finalizados os traballos de limpeza, acondicionamento e reparación das instalacións -que este ano prolongáronse máis do habitual debido aos danos ocasionados polas choivas do pasado mes de xuño en distintas partes e infraestruturas deste recinto- o Concello de Cervo procedeu no día de onte a abrir este complexo deportivo. Ditas instalacións contan -como é preceptivo- con persoal municipal debidamente formado para labores de socorrismo e salvamento, e estarán abertas ao público de 15 a 20 horas, nun horario que se prolongará durante toda a temporada estival.
O recinto deportivo de Rio Cobo, que xestiona o Concello de Cervo tras a cesión efectuada polos veciños da urbanización, ademais de dúas piscinas (unha para adultos e outra para os rapaces) tamén dispón de pistas onde practicar deportes coma o tenis e o squash.
A piscina de Liero pecha en agosto, pero mantén aberto o ximnasio e a sauna
Como ven sendo habitual, a apertura destas instalacións deportivas e de lecer ao aire libre coincidirá co peche parcial das instalacións da piscina olímpica municipal de Lieiro para realizar nesta instalación as preceptivas tarefas de mantemento do seu vaso e da maquinaria. “A piscina de Lieiro pechará a partires do vindeiro luns e non se poderá facer uso dela para o baño durante todo o mes de agosto, sen embargo, e coma novidade este ano, si manteremos abertos outros servizos complementarios desta instalación coma o ximnasio e a sauna, aínda que con modificación nos seus horarios de apertura ao público” recalcou o edil de Deportes cervense.
Os horarios para o uso do ximnasio e da sauna da piscina olímpica municipal de Lieiro durante o mes de agosto serán os seguintes:
* De luns a Venres:
o De 10.00h a 13.00h e de 19.00h. a 22.00h.
* Sábados:
o De 10.00h. a 15.00h.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
