Nota de Prensa
Estas medidas impulsadas polo Partido Popular e anunciadas polo Presidente da Xunta, Alberto Núñez Feijóo, fomentarán ademais o emprego nun sector, o da construción, especialmente castigado na comarca polo desemprego e o parón inmobiliario
A SEGUNDA REBAIXA DE IMPOSTOS PARA A VIVENDA PROXECTADA POLO GOBERNO DA XUNTA BENEFICIARÁ A 6.000 MARIÑÁNS
* Os recortes fiscais favorecerán a rehabilitación, rebaixarán os costes hipotecarios e ademais lograrán diminuír o desembolso que unha familia debe facer a curto prazo para mercar unha vivenda, facilitando así o acceso á mesma.
* Balseiro lembra que o aforro medio na compra dunha vivenda será duns 2.000 euros e salienta que con estas medidas se contribuirá a compensar a suba do IVA imposta polo PSOE.
A Mariña, 30 de xullo de 2009.- A segunda rebaixa de impostos en materia de vivenda anunciada polo Presidente da Xunta de Galicia, Alberto Núñez Feijoo beneficiará, segundo os cálculos que manexa o Partido Popular, a uns 6.000 veciños da Mariña lucense. As distintas medidas contidas no paqueta de rebaixa fiscal promovido pola actual Xunta, contemplan que todos os impostos que gravan a vivenda serán rebaixados entre o 25 e o 33% e tanto para a adquisición como para a rehabilitación de vivendas.
O deputado popular Jose Manuel Balseiro Orol explicou que a Xunta renuncia a incrementar o imposto de transmisión patrimoniais, evitando a súa adaptación á suba do IVE, reducirá substancialmente o imposto de actos xurídicos documentados que grava distintos trámites na adquisición das vivendas (primando sobre todo a compra da primeira vivenda) e tamén reducirá os custes de formalización dos préstamos hipotecarios.Por último, a Xunta eximirá do pago do imposto de actos xurídicos documentados na súa totalidade a aquelas persoas que teñan unha hipoteca e queiran constituír unha nova cancelando a anterior, é dicir, que queiran cambiar de entidade financeira para aproveitarse de tipos de xuro ou condicións máis vantaxosas.
Todas estas rebaixas materializaranse unha vez que o Parlamento de Galicia dea o visto e prace ao proxecto de lei impulsado pola Xunta.
FOMENTARÁ O EMPREGO E A COMPRA DUNHA VIVENDA
Balseiro Orol quixo subliñar que a rebaixa fiscal para a vivenda fomentará o emprego nun sector especialmente castigado, na Mariña e no conxunto de España, polo desemprego e polo parón inmobiliario. Favorecerá tamén a rehabilitación, contribuirá a loitar contra a fraude fiscal e fomentará a competencia financeira rebaixando os custes de formalización das hipotecas. A idea –concluíu Balseiro- é lograr diminuír o desembolso que unha familia ten que facer a curto prazo para mercar unha vivenda, facilitando así o acceso á mesma.
Tamén, coa nova rebaixa fiscal, -explicou o deputado popular- “a Xunta está a darlle unha no lección ao Goberno central obsesionando con incrementar a carga fiscal aos cidadáns, en facernos, facerlles pagar a incapacidade do Executivo de Zapatero para xestionar a crise”. Balseiro lembrou que esta sería a segunda ocasión na que o Executivo que lidera Feijoo baixa dun xeito selectivo os impostos, despois de que no 2009, a anterior baixada sobre a vivenda tivera resultados moi positivos para os dous colectivos beneficiarios da mesma: familias numerosas e menores de 36 anos.
Finalmente, o deputado popular quixo destacar que esta rebaixa fiscal contribuirá a compensar e amortizar a suba do IVA imposta polo PSOE, e suporá segundo as estimacións que manexa a Consellería de Facenda un aforro medio na compra dunha vivenda duns 2.000 euros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
