NOTA DE PRENSA
As traídas particulares e os Concellos excluídos da zona terán que pagar o tributo autonómico
A Xunta proxecta subir o canón da auga nun 180% para particulares e negocios na Mariña.
O Bloque Nacionalista Galego ven de denunciar o Proxecto de Lei de Augas de Galiza que aprobou o Consello da Xunta do 27 de maio de 2010 e que remitiu xa para a súa tramitación parlamentar e que vai significar a substitución do actual canón de saneamento que ate agora se viña cobrando co recibo da auga, por outros dous tributos, o canon da auga (ca) e o coeficiente de vertido (cv). Segundo denunciou Antonio Veiga “se ben o coeficiente de vertido non vai ser de aplicación na Mariña, posto que non hai depuradoras que sexan dependentes da Xunta, a aprobación do novo canon da auga vai significar un aumento na tarifa de ate o 180%, vai establecer un tributo para concellos que até agora non pagaban o canon do saneamento, aumenta de xeito considerábel o prezo da mesma para os negocios e vai gravar as traídas particulares das que se seguen abastecendo moitos veciños da zona”.
Os nacionalistas critican que o novo canón grava particularmente a familias e pequenos negocios na medida que modifica as bases de calculo que anteriormente se establecían para fixar o canón de saneamento. Neste sentido Veiga recordou que “co modelo en vigor o canón a pagar a administración autonómica calculábase de multiplicar por 0,209 os metros cúbicos de auga consumido, unha vez aprobada a lei establece unha cota fixa de 1,50 euros que se suma ao que resulte de multiplicar o consume por 0,00, 0,28 e 0,36 atendendo aos tres tramos de consumo que establece a norma en debate”. Os nacionalistas, a modo de exemplo, indicaron que se o consumo medio dunha familia en Galiza é de 14 metros cúbicos, de canón de saneamento teñen que pagar 2,92 euros/mes (14X0,209) e co canón da auga pasaran a 3,90euros/mes(1,5+6X0,00+6X0,28+2X0,36).Mesmamente unha vivenda que este fechada, e polo tanto non consuma auga, terá que pagar agora canón da auga, cando estaba exento do canon de saneamento, tributando por este concepto 18 euros.
Na mesma liña desde o BNG criticaron que as maiores subidas afectan ao consumo doméstico sendo particularmente grave que as traídas particulares construídas e xestionadas polos veciños e que dan servizos a varias vivendas, a día de hoxe exentas do pago da auga, terán que pagar este tributo a pesar de que non reciben ningunha prestación e/ou axuda para o mantemento do mesmo. A maiores as persoas que se atopen nesta situación veranse obrigadas a dotar ás súas costas a vivenda dun contador individual homologado. Veiga que considerou de “escándalo maiúsculo o que se pretende facer cos veciños nesta situación, criticou tamén que aqueles veciños que estaban exentos de pagar o canon do saneamento, isto é aquelas que foran excluídos na Lei de 1993 para núcleos de poboación de 500 persoas”. Segundo o BNG os veciños de Concello como Riotorto, Trabada, Ourol, Muras que estaban excluídos deste tributo na súa totalidade terán agora que proceder a pagalo.
O Bloque Nacionalista Galego denunciou tamén que se reduce dos 3000 aos 2000 metros cúbicos/ano de auga consumida como tope para definir os usos non domésticos o que vai provocar un grande impacto en comercios, hostalería, perruquerías…provocando subas de case o 180% en relación coa tributación actual. Así un negocio que antes paga de canon de saneamento por un consumo ao mes de 200 metros cúbicos 41,80(200X0,209) co canón da auga pasaría a pagar 86,70 ao mes(2,50 + 200X0,42).
Xa por últimos os nacionalistas fixeron un chamamento aos veciños da Comarca a que presenten as reclamacións oportunas antes do 4 de Setembro, prazo no que remata a presentación de emendas ao proxecto de lei, solicitando tamén dos Concellos posicionamentos contra a mesma. Nesta liña Veiga afirmou que “o proxecto de Lei ten como único obxectivo incrementar a capacidade recadatoria da Xunta de Galiza a través da suba do canon da auga e o coeficiente de vertido dun xeito brutal e desproporcionado, recaendo a suba fundamentalmente nos usuarios domésticos e asimilábeis, é dicir, naqueles usos que forman parte dun servizo básico á poboación. Este é o tema realmente importante do proxecto de lei, e a única razón de que se faga esta modificación da lexislación, o único obxectivo é subir a recadación do canon, tratándose dunha suba moi importante da imposición indirecta da Xunta de Galiza”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
