SANTIAGO .- A Consellería de Traballo e Benestar, a través da Dirección Xeral de Xuventude e Voluntariado, inicia esta fin de semana a campaña “LIBRE. Libre de alcol, libre de preocupacións” co fin de fomentar a condución segura entre a mocidade galega.
O director xeral de Xuventude e Voluntariado, Ovidio Rodeiro, presentou hoxe en rolda de prensa esta iniciativa, que se organiza co apoio da Consellería de Medio Ambiente, Territorio e Infraestruturas. Na súa intervención, precisou que as accións comezarán o próximo 25 de xullo, e que se prolongarán ata o mes de outubro. No acto de presentación estiveron presentes 30 participantes do proxecto europeo “Noite, mozos e alcol” procedentes de Polonia, Bulgaria, Grecia, Portugal e España.
O obxectivo da campaña é “lograr que a mocidade desenvolva un espírito crítico fronte as súas accións ao volante”. Por iso, fomentarase a utilización do transporte público e, nos casos nos que non sexa posible, promoveranse as quendas entre amigos para potenciar a figura do condutor alternativo.
Para acadar estas metas, a campaña combinará a publicidade con accións directas e indirectas nos principais núcleos festivos do verán galego.
No que se refire á campaña directa, haberá monitores a pé de rúa nas noites dos meses de xullo, agosto, setembro e outubro. Situaranse nos lugares estratéxicos de paso, preto das zonas de marcha e festas, para informar sobre os perigos do alcol ao volante e as vantaxes dos transportes públicos. Serán preto de 40 accións, que incluirán ás principais cidades e vilas da comunidade.
Ademais, os mozos e mozas de ata 35 anos poderán realizar unha proba de alcoholemia ao final da festa. Aqueles que demostren o 0 por cento de alcol participarán nun sorteo de 100 cursos de condución segura que terán lugar en outono. A isto hai que sumarlle que todos aqueles que se interesen pola información que se distribúe na carpa levarán como agasallo unha camiseta.
Os monitores encargaranse tamén de percorrer os principais aparcamentos e de poñer enriba dos vehículos un triángulo de cartón amarelo –que simula a estética dos taxis de Nova York- co lema “LIBRE. Libre de alcol, libre de preocupacións”. Trátase de facer reflexionar ao condutor e aos seus acompañantes dos perigos de levar un coche baixo a influencia de bebidas alcohólicas.
Colaboración coas orquestras
Co fin de complementar esta acción directa e chegar á maior cantidade de público posible, a campaña contará coa colaboración de tres orquestras galegas: Panorama, Olympus e Philadelphia.
As tres proxectarán nas súas pantallas, durante o segundo pase (de 3 a 6 da mañá) a imaxe de “LIBRE”. Ademais, os cantantes remarcarán en varias ocasións a importancia dunha condución responsable e distribuirán material da campaña entre o público. Tamén cantarán unha canción orixinal, cunha letra que fomente as boas prácticas ao volante.
Estas tres orquestras actuarán nunha gala final da campaña, que se celebrará o 31 de outubro no concello de Cambados. Tamén colaborarán coa campaña as principais asociacións de hostalería de Galicia, de modo que a imaxe e obxectivos da campaña LIBRE achegarase a pubs e discotecas.
A campaña por unha condución segura estenderase, ademais, aos campamentos xuvenís de verán dependentes da Xunta. Neles, técnicos do programa Quérote + levarán a cabo obradoiros de seguridade e educación viaria dirixidos aos participantes de 15, 16 e 17 anos. Isto supón que a mensaxe chegará a máis de 1.600 mozos e mozas nas distintas quendas das 15 instalacións de toda Galicia.
Finalmente, nas fins de semana de outubro e novembro organizaranse no circuíto de Forcarei cursos de condución segura, que ofertarán preto de 600 prazas. Os participantes nos mesmos coñecerán factores de risco, sistema de seguridade do automóbil e técnicas de condución. Todas as accións formativas durarán cinco horas, das que catro serán de práctica de condución, sempre coa compañía de monitores especialistas. Do total desta oferta, 100 prazas serán as sorteadas entre os mozos e mozas que obtiveran un 0 por cento de alcol nos controis de alcoholemia da campaña.
Intercambio
Na rolda de prensa de presentación da campaña, estiveron presentes un total de 30 mozos e mozas procedentes de 4 países da Unión Europea (Polonia, Bulgaria, Grecia e Portugal) ademais de orixinarios doutras comunidades autónomas, que están a participar nun intercambio xuvenil sobre mocidade e alcohol.
Esta actividade, organizada pola asociación cultural e deportiva Záramo do Concello de Boqueixón, conta co apoio do programa Xuventude en Acción da Unión Europea.
O proxecto, denominado “Noite, mozos e alcol”, reflexiona acerca da problemática, española e europea, dos accidentes de tráfico derivados do ocio nocturno. O seu obxectivo, entre outros, é analizar as causas desta situación, aportar novas ideas, coñecer exemplos de boas prácticas doutros países e intercambiar experiencias.
Así, entre outras actividades, os participantes están a participar en encontros con organizacións implicadas no tema da sinistralidade nas estradas, nas organizacións responsables de ofertas de ocio alternativo, ou xuntanzas con responsables da Dirección Xeral de Tráfico (DXT) ou da Dirección Xeral de Xuventude e Voluntariado.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
