A MARIÑA .-A flota de baixura galega dedicada á captura do polbo inicia o luns, día 5, actividade extractiva do polbo que se paralizara dende o 28 de maio.
REFERENCIA
A Consellería do Mar abre mañá a campaña extractiva do polbo
A frota de baixura galega poderá capturar polbos entre as 07:00 e as 17:00 horas de luns a venres, sempre que pesen como mínimo un quilo
Santiago, 4 de xullo de 2010.- A frota de baixura galega dedicada á captura do polbo recupera mañá unha actividade paralizada dende o 28 de maio. Os profesionais que se dedican á pesca deste cefalópodo poderán faenar entre as 07:00 e as 17:00 horas da tarde de luns a venres, establecéndose o descanso semanal dende as 17:00 horas do venres ata as 07:00 horas do luns. O tamaño mínimo que debe acadar o polbo para a súa extracción e venda é un quilo.
A modificación do Plan de Explotación consensuado entre a Consellería do Mar e o sector, acorda que as embarcacións que teñen máis de 5 tripulantes poden capturar como máximo 30 quilos por embarcación e 30 quilos máis por cada tripulante enrolado a bordo ata un máximo de 210 quilos ao día dende o 1 de maio ao 30 de outubro. No resto da campaña extractiva o tope máximo diario de capturas é de 50 quilos por embarcación, ao que se suman 50 quilos por cada tripulante enrolado a bordo, ata un máximo de 350 quilos por día.
Así, para o resto das embarcación, a orde establece un tope diario de 30 quilos por embarcación e 30 quilos máis por cada tripulante a bordo (ata un máximo de 180 quilogramos por día) dende o 1 de maio ao 30 de outubro. No resto da campaña as cotas máximas de capturas son de 50 quilos por embarcación ao que se engadirán 50 quilos por cada tripulante a bordo (ata un máximo de 300 quilos por día).
Réxime de calamento das nasas
As capturas de polbo con nasa pechada realizaranse por fóra das rías, segundo as liñas definidas no anexo I do Decreto 369/94 do 2 de decembro, agás no período comprendido entre o 1 de outubro e o 30 de abril, ambos incluídos, no que poderán empregarse as nasas por fóra das liñas de referenza sinaladas no anexo V. De cabo Silleiro a cabo Corrubedo, por fóra das liñas que se sinalan no anexo I e en fondos superiores aos 15 metros, as nasas poderán permanecer no seu calamento sen ser levadas a porto, incluso durante o período de descanso semanal. Ademais, aquelas embarcacións que empreguen nasas pechadas para a captura de polbo poderán faenar durante todo o ano por fóra das linas de referencia sinaladas no anexo V do decreto 348/2002 do 13 de decembro, sempre e cando as levanten do calamento e as leven a porto tódolos días.
Así no resto do litoral galego, as nasas poderán permanecer no seu calamento sen ser levadas a porto aínda que sexa período de descanso semanal. Os aparellos deberán estar correctamente balizados e identificados indicando sempre o folio da embarcación e o tipo de arte, neste caso a nasa iría identificada coa letra “N”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
