Dende a Deputación temos unha clara aposta polas novas tecnoloxías para mellorar os servizos ós cidadáns, e lograr que Lugo pase de ocupar os últimos postos ós primeiros no que se refire á innovación. Deste xeito, somos a primeira administración de Galicia que aporta unha solución integral para a implantación da e-administración grazas o Innova-TE, o programa mediante o cal lograremos que os veciños da provincia gocen dunha administración sen papel, aberta 24 horas e os 365 días ó ano.
Levamos meses traballando nesta iniciativa para a cal destinamos 9 millóns de euros. Acabamos de aprobar o plan de banda ancha, un proxecto dotado de 1 millón de euros que permitirá ás 66 Casas Consistoriais de Lugo, -a excepción da capital que xa ten un proxecto encamiñado a este fin-, dispor dunha conexión a Internet de calidade, de 2 megas como mínimo.
Isto supón un avance sen precedentes en Lugo xa que, por un lado, por fin solucionaremos os problemas de acceso á Rede que, debido as condicións orográficas, existen na maior parte dos Concellos lucenses; e por outro, dotamos dun servizo de calidade, e cunha velocidade de conexión, que permitirá a comunicación inmediata entre os veciños e a administración.
Co noso traballo dotamos á provincia da autopista necesaria para culminar a implantación da administración electrónica en Lugo a mediados do 2011. Sen embargo, o noso traballo non é suficiente se a Xunta, administración con plena competencia nesta materia, non pon a disposición dos veciños a banda ancha necesaria para que poidan realizar dende a casa os 120 procedementos que a Deputación lles ofrece co Innova-TE.
Esta Deputación fai os deberes e, en tempo record, implanta a Administración electrónica na provincia, e dota dunha banda ancha de calidade ós Concellos. Agora só queda que o Goberno galego faga a súa parte, e dote ós lugueses de Internet para que, o 45% dos veciños que na actualidade non teñen acceso a Rede, poidan comunicarse de forma inmediata coa administración aforrando cartos e tempo como queremos e lles ofrecemos dende a Deputación de Lugo.
Demostramos que somos unha administración moita máis ambiciosa que calquera outra en Galicia xa que, fronte o horizonte de 2013 que marca a Xunta para que os galegos dispoñan de Internet, nós en 12 meses remataremos coa fenda dixital en Lugo dando un salto de cero a dez no campos das novas tecnoloxías.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
