RIBADEO (FNC) .- O Concello recibe 41.000 euros para potenciar a oficina de rehabilitación, que prestará servizo de portelo único de información e xestión de axudas en materia de vivenda. O alcalde viaxou a Santiago para asinar o convenio co conselleiro de Medio Ambiente, Territorio e Infraestructuras.
Fernando Suárez sinalou que “o convenio servirá para seguir poñendo en valor os nosos cascos vellos, en Ribadeo temos o da vila e o de Rinlo. E ven derivado dos gastos de funcionamento das oficinas de rehabilitación como a nosa que contan cun técnico e cun administrativo para dar información, tramitar expedientes e para facer máis asequible aos veciños as posibles axudas que poden ter no casco vello. Agora haberá novas vías de colaboración sobre axudas tanto estatais como autonómicas que centralizaremos no Concello”.
O rexedor engadiu que “así achegaremos máis a administración ao cidadán, o obxectivo é que o nosos veciños, vivan no casco vello ou non, poidan ter información e tramitar as axudas sen necesidade de ir á capital da provincia a facer estas xestións”. Ata o momento as oficinas de rehabilitación ofrecían información e tramitaban axudas das ARIS e a partires da agora informarán sobre axudas de rehabilitacións do Plan de Vivenda alleas ás ARIS e polo tanto aplicables a todo o concello; sobre as axudas autonómicas para rehabilitación en conxuntos históricos e tamén para rehabilitación rural.
Suárez Barcia asegurou que “se trata dun paso máis neste ánimo que temos que ter todas as administracións para recuperar vivenda e os cascos vellos e para poñer en valor tanto nos espazos públicos como nos privados toda a capacidade da administración autonómica e estatal de cara a subvencionar reformas ou melloras de vivenda e que estean canalizadas a través dos Concellos, como é o caso de Ribadeo”.
Pintado de rúas
Por outra banda, o alcalde de Ribadeo, contou que “xa levamos varias semanas, e supoño que moitos veciños verían como a brigada de Obras está traballando de maneira continúa no pintado dos pasos de cebra, de peóns e das diferentes marcas de sinalización horizontal en toda a vila”.
Fernando Suárez pensa que “con respecto a outros anos, a parte de facelo nós directamente o que quixemos foi anticipalo á época estival. Lembro que sempre era bastante criticado facelo no medio da campaña estival cando había moitos turistas, agora da gusto ver todas as rúas da vila prácticamente rematadas e con todo preparado para o aluvión de turistas que recibiremos. Si veñen tantos como o ano pasado poderemos falar dun segundo ano moi positivo de cara á hostelería, ao comercio, á restauración… de cara a este sector terciario tan importante que temos en Ribadeo e para eso queremos que as nosas vías públicas estean en perfecto estado de revista”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
