Días pasados presentouse no IES de Foz, o libro “Cautiverio de Fingoi”, ensaio referido ás vivencias luguesas do intelectual Ricardo Carballo Calero, que residiu nesta cidade entre os anos 1950/65, onde foi director do Colexio Fingoi, institución promovida polo empresario e mecenas Antonio Fernández, Antón de Marcos. O ensaio de Ramón Reimunde, autor do libro, non se limita ó análise do ensinante Calero e ó seu labor nun centro novedoso e progresista para aqueles tempos – e aínda para os de hoxe -, senon que atinxe á complexa personalidade do mestre ferrolán: a súa ideoloxía política, galeguista; os avatares que tal militancia lle acarrearon, a represión; o voluntario illamento (daí o título do libro) para sobrevivir a circunstancias tan adversas e irracionais; o temperamento e actitude do profesor á vella usanza no referido ó orde, a disciplina e o respecto na relación ensinante-alumno, etc.; é decir, dunha convivencia no ámbito da ensinanza tan distinta á de hoxendía. Ou sexa, a experiencia vital do período lugués do ilustre lingüista, investigador e escritor, que deixou obras como “Historia de Literatura Galega Contemporánea”, “A gente da Barreira”, “Scorpio”, etc. Descrebe o autor o ambiente cultural da cidade na que as tertulias literarias a cotío xuntaban ós intelectuais, nunha actitude semi clandestina; nomes para a historia da cultura luguesa: Fernández de la Vega, Anxel Xoán, Luis Pimentel, Anxel Fole, Manuel María, Novoneira, Ramón Piñeiro, Tino Grandío etc. E a marcha a Santiago para desempeñar a súa cátedra. O autor do ensaio amosa a súa incomprensión ó feito de que a R.A.G. non teña dedicado un Día das Letras Galegas ó insigne lingüista; acaso non sexa alleo ó mesmo se-lo abandeirado do reintegracionismo…Ramón Reimunde despide a vida laboral; xubílase. Esta presentación é todo un broche de ouro a unha vida dedicada á ensinanza, precisamente da lingüa e a literatura. En plenitude física e intelectual, seguiremos a disfrutar do seu labor de estudoso da nosa cultura e da súa producción literaria. E un apunte para a intrahistoria da nosa tribo: temos para nós que él é o primeiro focego que se xubila dende o “estatus” de catedrático. Parabéns.
Suso Fernández
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
