CERVO .- Miguel Baltar, de San Cibrao, e Juan Antonio Fernández, de Xove, foron os gañadores do concurso fotográfico de Medio Ambiente “Cervo respecta”. As obras estarán expostas por un período inicial de 15 dias no Centro de Cultura e Servizos a Cidadanía de Cervo e posteriormente faranse con elas unha exposición itinerantes en diferentes puntos do concello.
Nota de Prensa
MIGUEL BALTAR E JUAN ANTONIO FERNÁNDEZ FORON OS GAÑADORES DO CONCURSO FOTOGRÁFICO “CERVO RESPECTA”
Cervo 2 de xuño de 2010.- O pasado luns pola noite tivo lugar no Centro de Cultura e Servizos a Cidadanía de Cervo o fallo do xurado do Iº Concurso Fotográfico de Medio Ambiente “Cervo Respecta”.
O acto estivo presidido polo alcalde de Cervo D. Alfonso Villares Bermúdez que resaltou o nivel das obras e agradeceu a participación e a asistencia o reconto final da puntuación.
O xurado estivo formado por 5 profesionais entre fotógrafos e xornalistas gráficos que desenvolven a súa profesión en diversos medios de comunicación da Mariña. Cada membro podía dar unha puntuación máxima de 70 puntos por obra e todos eles salientaron a dificultade á hora de elixir a un so gañador en cada unha das categorías establecidas.
Na categoría xuvenil (menores 18 anos) participaron 2 concursantes, os cales aportaron 6 obras (cada un dos participantes podían presentar un máximo de 3 fotos). O primeiro premio recaeu en Miguel Baltar Fernández, de 14 anos e de San Ciprián coa obra titulada “Triacastela” que sumou un total de 235 puntos, mentres que o segundo premio foi para Aldara Juárez Calleja, de 10 anos e de Rio Cobo, coa foto “Ventana” que sumou un total de 224 puntos.
Na categoría adulta (maiores 18 anos) participaron un total de 10 persoas, presentando cada un o número máximo de obras (30 fotos).
O primeiro premio recaeu en Juan Antonio Fernández Vázquez, natural de Xove coa súa instantánea “Presa de Sargadelos”, que sumou un total de 272 puntos; mentres que o segundo premio recaeu en Francisco Rodríguez Salgueiro, de Burela, coa obra “Planta do Pé” que acadou 262 puntos.
As obras estarán expostas por un período inicial de 15 dias no Centro de Cultura e Servizos a Cidadanía de Cervo e posteriormente faranse con elas unha exposición itinerantes en diferentes puntos do concello.
O Iº Concurso Fotográfico de Medio Ambiente “Cervo Respecta” púxose en marcha o pasado mes de marzo e tiña por obxecto celebrar o Día do Medio Ambiente, que ten lugar o 5 de xuño. A concellería de Medio Ambiente decantouse pola organización deste evento para que os aficionados á fotografía puideran amosar as súas creacións baseadas na natureza tendo como base o respecto ao medio e á conservación do patrimonio natural.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
