NOTA DE PRENSA:
OS SOCIALISTAS DENUNCIAN QUE FEIJÓO PRETENDE REDUCIR O HOSPITAL DE BURELA A UN SIMPLE AMBULATORIO
DENDE A COORDINADORA COMARCAL DO PSDEG-PSOE NA MARIÑA INSTAN Á POBOACIÓN A ACUDIR Á MOBILIZACIÓN CONVOCADA PARA O VINDEIRO DÍA 26 DE XUÑO. DIN QUE “MOI POR ENRIBA DAS CREENZAS POLÍTICAS DE CADA UN, HAI QUE RECLAMAR A PERMANENCIA DA XERENCIA NA COSTA, EVITANDO ASÍ UNHA CENTRALIZACIÓN EN LUGO E UNHA POSTERIOR TENDENCIA Á PRIVATIZACIÓN”.
A MARIÑA, 24 DE XUÑO. Dende a Coordinadora comarcal do PSdeG-PSOE mariñán instan a todos os cidadáns da Costa lucense a apoiar coa súa presenza a mobilización convocada pola Plataforma pola defensa da Sanidade pública da Mariña para o vindeiro día 26 de xuño.
Os socialistas critican que nin Feijóo, nin o Partido Popular teñen credibilidade. “En contra do compromiso acadado pola Xunta de Galicia para a realización de autopsias, no hospital de Burela, en horario vespertino, na actualidade tan só se están levando a cabo en horario de 8 a 15hrs. Do mesmo xeito, pese as declaracións feitas dende o goberno autonómico de que as obras para a rampla de acceso ao hospital de Burela, para persoas con mobilidade reducida, e a reparación da cuberta das instalacións, que filtra auga, xa estaban aprobadas, presupostadas e a piques de comezar, aínda estamos agardando por elas. Outra mentira. Nin Feijóo, nin o Partido Popular teñen palabra. Unhas obras que eran urxentes e que foron promesa ao inicio da lexislatura, un ano despois están como estaban”, denuncian.
Por outra banda, con respecto á manifestación deste sábado, dende a Coordinadora comarcal socialista da Mariña aseguran “que os cidadáns deben reclamar o seu dereito a unha sanidade pública. Un reclamo que vai moito máis aló das ideoloxías políticas particulares. O que pretende facer a Xunta é un atropelo. Non só non van ampliar as instalacións do hospital de Burela, senón que trasladarán a súa xerencia á Lugo, centralizando a atención médica pública na capital luguesa e, máis adiante, derivando deste xeito as consultas á sanidade privada, pola saturación que vai haber. O goberno que prometeu mirar por todos os galegos e as galegas deixará esta infraestrutura como un simple ambulatorio”, indican.
Por estes motivos, dende o PSdeG-PSOE mariñán animan á poboación a acudir ao reclamo polos dereitos desta comarca. “A xerencia debería permanecer aquí. O hospital debería ampliarse e Feijóo deberá cumprir aquelas promesas feitas hai un ano”, insisten.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
