NOTA DE PRENSA:
Veiga afirma que o PP está empeñado en converter á Mariña nunha sucursal de Lugo
O BNG esixe que se manteña a oferta educativa na Mariña.
O Bloque Nacionalista Galego quere denunciar os recortes que en materia educativa se están a producir na Mariña , derivados da supresión da oferta tanto no Bacharelato, na ESO e na Formación Profesional así como da modificación unilateral dos criterios para que se impartan os ciclos formativos.
O Portavoz Comarcal, Antonio Veiga denunciou “ a supresión da oferta formativa profesional en Foz e Burela, se ben, todo indica que está vai chegar a máis centros da comarca como consecuencia da ampliación da ratio de alumnos para que un ciclo se imparta e da limitación do praza de matrícula ao 31 de Xullo, cando coa anterior normativa existía un prazo de matrícula do 1 ao 13 de Setembro”. Tanto é así que o propio Veiga afirmou “que o peor está por vir, e ímolo ver a partir do 31 de Xullo cando non se cubra a oferta en moitos ciclos o que vai ser a coartada pra suprimir outros. Non é casual desde logo que se suprima o prazo de matriculación en Setembro”. Na mesma liña o nacionalista criticou “que isto vai provocar que sexan moitos os alumnos da Mariña que se queden sen praza, posto que vaise dar o caso de que aqueles mozos e mozas que non superen a ESO ou o Bacharelato na recuperación de Setembro van quedar tirados”.
O Responsábel Comarcal do BNG informou tamén da supresión do bacharelato presencial nocturno en Ribadeo, Foz e Burela así como da ESO para adultos no Concello de Foz no que ao seu xuízo vai significar un aumento do fracaso escolar. “Non é de recibo que pretendan reducir o bacharelato nocturno nestas localidades a un modelo baseado en titorías e semellante á UNED cando a matrícula é elevada e cando se ten modificado a composición do alumnado que o cursa, pois a día de hoxe boa parte das persoas que se inscriben neles son rapaces que pretenden rematar os seus estudos. Tampouco é casual que a Foz se lle prive da ESO en xornada nocturna”, recalcou Veiga quen explicou esta decisión ten a ver coa consideración clasista que o PP ten da educación pero sobre todo coa súa vontade de privatizar e recortar os servizos públicos.
Os nacionalistas consideran que esta decisión é o máis grave ataque ao ensino público na Comarca da Mariña, o que nos retrotrae a 40 anos atrás, cando había que desprazarse ás capitais de provincia para cursar os estudos medios. “O PP está empeñado en converter á Comarca da Mariña, nunha Comarca de segunda, e así o vemos na sanidade ou na educación, facendo da nosa zona unha sucursal da cidade de Lugo” afirmou Veiga quen criticou a decisión de centralizar os servizos educativos nas cidades, aloxándoos dos cidadáns. O portavoz do nacionalistas considera esta decisión como “ unha navallada sen precedentes á Mariña, que vai provocar graves consecuencias entre os nosos rapaces, na medida en que vai dificultar as súas posibilidades de formación, establecéndose un auténtico apartheid por razóns de clase que vai expulsar do sistema educativo aos fillos das clases traballadoras”.
Xa por últimos desde o BNG indicaron que esta decisión vai ter tamén importantes repercusións na totalidade dos Concellos, posto que vai significar perda de empregos, xa que logo perda de poder adquisitivo, perda de cualificación na man de obra e tamén unha diminución do gasto no comercio e na hostalería daqueles concellos que ven agora recortada a súa oferta educativa.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
