BURELA (FNC) .- O equipo de goberno critica a falla de apoio da Xunta para a creación de emprego. Neves Cando asegura que das 34 prazas solicitadas por Burela a través dos programas de cooperación o goberno galego só lle concede 11. Dez son socorristas para as praias e 1 persoa máis para o banco municipal de tempo. A PSOE e BNG non lles serven as desculpas de crise e de austeridade cando o goberno galego vai gastar moitos cartos na compra de sillas para a biblioteca da Cidade da Cultura.
A tenente de alcalde sinala que “desde o equipo de goberno de Burela queremos denunciar publicamente a falla de apoio da Xunta para a creación de emprego e o mantemento dos servizos municipais. Refírome á dotación de persoal que a Xunta fixo para o noso concello dentro dos chamados programas de cooperación, polos cales os Concellos solicitamos a contratación dun certo número de persoas desempregadas para cubrir distintos servizos municipais”. Cando lembra que “a petición que faciamos este ano desde Burela era para empregar a 34 persoas paradas en distintas funcións, desde socorristas para as nosas praias pasando por persoal para xardinería e limpeza dos areais, albaneis para obras, persoal para a oficina de turismo e o barco museo agora na tempada estival e persoal tamén para distintos servizos municipais como Cultura, Emprego, Sanidade, Xuventude ou Igualdade. E cal é a nosa sorpresa que nestes momentos duros de crise económica e aumento do paro a Xunta só nos concede 11 persoas, 10 socorristas cando nós pedíamos 12 para atender ás nosas praias de bandeira azul e 1 persoa máis para o banco municipal de tempo”. A edil nacionalista subliña que “ésta é a aposta do PP na Xunta polo emprego e polas familias de Burela que se atopan en situación de paro. O máis curioso é que o PP de Burela reclamaba en xaneiro de 2010 que os orzamentos municipais contemplasen medidas para paliar os efectos do paro no noso pobo e agora que a Xunta ten a posibilidade de facelo no marco destes programas de cooperación reduce a nosa demanda de 34 prazas para desempregados a só 11 as concedidas”.
Neves Cando reitera que “este é o compromiso do PP cos veciños e veciñas de Burela que se atopan en situación de desemprego, este é o compromiso do señor Feijóo para con Burela cando dixo na campaña nas autonómicas de 2009 que combater o paro era a súa prioridade e que poría enriba da mesa medidas concretas en 45 días. Estas son as medidas do PP, recortar as expectativas de creación de emprego no noso concello e impedir que arredor de 20 persoas desempregadas puidesen traballar durante uns meses”. Ao equipo de goberno de Burela non lle valen as desculpas, “os argumentos de que son tempos duros de crise e austeridade non nos valen porque co que van gastar en comprar sillas, a unha media de 500 euros cada unha, para a biblioteca da Cidade da Cultura chegábanos a nós para sacar do paro a unhas cantas persoas en Burela”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
