BURELA (FNC) .- O alcalde, Alfredo Llano, amosa o seu apoio e o do equipo de goberno á manifestación convocada pola Plataforma Sanitaria da Mariña para o vindeiro sábado 26 de xuño ás 12 da mañá en Burela. O rexedor considera que non se pode permitir a perda de servizos na sanidade tanto na comarca como no Hospital da Costa.
Llano lembrou que “no pleno que tivemos o pasado 11 de xuño no Concello de Burela decidimos apoiar a petición da Plataforma Sanitaria da Mariña. A sanidade é un servizo básico que hai que manter e incrementar, foi unha loita de moita xente durante motísimos anos e agora non podemos renunciar a nada. A pesares da crise e de quen estea ao mando hai dúas cuestións básicas que son a sanidade e a educación, que deben estar sempre por enriba de calqueroutra necesidade”.
O rexedor de Burela tamén se referiu ao Hospital da Costa que “da servizo a máis de 80.000 persoas, cifra que se incrementa e moito durante o verán. Consideramos que debe ter moita importancia no mundo sanitario na nosa comunidade. Entre todos debemos incrementar os servizos que poida ofertar, medios, recursos humanos, todo aquelo que sexa beneficioso para a colectividade. Por todo esto estamos de acordo coa plataforma e pensamos asistir á manifestación convocada para o vindeiro sábado ás 12 da mañá”.
Llano denunciou que “no Hospital da Costa hai especialidades para as que non se da cita nin normal nin preferente, como en cardioloxía, en traumatoloxía, en uroloxía. Os otorrinos que antes facían operación dúas veces por semana agora fanas dúas veces ao mes, hai operacións e probas que se están a desviar á sanidade privada, hai moitas listas de espera, hai servizos que diminúen e eso non pode ser baixo ningún concepto”.
O alcalde burelés tamén abogou por “contar cun área sanitaria única, de tal xeito que o noso hospital sexa completamente autónomo no ámbito económico e dos recursos humáns, é mellor que o xerente xestione directamente co Sergas as necesidades do centro sin interferencias doutras persoas ou institucións. Non queremos unha xerencia integrada en Lugo”.
Alfredo Llano tamén se referiu ás críticas vertidas nos últimos días desde o PP e sinalou que “o partido que agora está na Xunta debe procurar que o Hospital da Costa vaia para arriba e non para abaixo, os seus dirixentes andan dicindo que non hai razón para esta manifestación, pero eu considero que sí hai motivos e preocupación na Mariña. Hai algún responsable do PP que afirmou e reafirmou en moitas ocasións que o servizo de autopsias ía estar recuperado no mes de marzo ou de abril e a día de hoxe aínda estamos sen el. O que preocupa é que pouco a pouco imos perdendo servizos e eso non pode ser. Eu animo á xente a que loite por unha boa sanidade pública, á marxe de quen estea no goberno, non se poden perder os logros conseguidos durante moitos anos”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
