CERVO .- O alcalde de Cervo, Alfonso Villares indicou que o seu municipio está a vivir no día de hoxe unha xornada “de certa calma, pero sen poder baixar a garda”.
Segundo indicou, tras dous días de intenso traballo do dispositivo de emerxencia despregado polo Concello para facer fronte ás enchentes derivadas das choivas os traballadores municipais e o servizo de Protección Civil municipal continúan hoxe traballando de xeito coordinado cos servizos de emerxencias despregados pola Xunta de Galicia para solucionar paulatinamente os problemas ocasionados no municipio por este fenómeno meteorolóxico.
“Actualmente parece que os momentos máis críticos xa os temos superados, aínda que tampouco podemos dicilo con rotundidade e por iso permanecemos en alerta. Estamos intentando ir a tódolos lugares onde se nos require para procurar solucionar os problemas que van xurdindo” indicou o alcalde. “Despois de ter que afrontar un día como o de onte, está claro que a cousa non podía ir a peor, pero aínda así seguimos a ter problemas e non podemos baixar a garda” dixo Villares, que destacou a labor de tódolos efectivos municipais e agradeceu a axuda prestada pola Xunta de Galicia, que destinou dende o día de onte no municipio un par de equipos da axencia galega de emerxencias (AXEGA) para actuar diante de calquera posible emerxencia que puidera xurdir.
Restablecer a normalidade
O alcalde sinalou que unha vez se estabilice o tempo e deixe de chover será o turno de restablecer a normalidade no concello e de facer unha valoración detida e minuciosa de tódolos danos ocasionados polo temporal. “Está claro que unha vez remita a choiva teremos que poñernos mans á obra para atallar tódolos desperfectos ocasionados por este temporal e tamén deberemos facer unha relación de danos para coñecer realmente cales son as dimensións reais destes tres días de auga”. A este respecto Villares confiou en que tanto a administración central como a provincial e a autonómica aporten a súa axuda “económica, material e humana” para que Cervo “restableza canto antes a súa fisionomía habitual”.
Servizo de auga
O alcalde sinalou tamén que os traballadores municipais dos servizos de Augas e de Obras están traballando dende primeiras horas da mañá para restablecer o subministro de auga en varios puntos do municipio onde as canalizacións quedaron cortadas debido á forza da choiva. “Tiñamos un problema de subministro no núcleo de Cervo que xa quedou solventado e agora os operarios están a traballar para restablecer o servizo de auga en puntos de Figueirido e de San Ciprián” indicou Villares, que destacou especialmente a labor destes traballadores municipais “xa que levan tres días traballando arreo e sen apenas descansar”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
