Nota de Prensa
O BNG DEFENDE O CARÁCTER PÚBLICO NA XESTIÓN DOS PARQUES DE BOMBEIROS COMARCAIS
O grupo provincial do BNG considera que non se poden privatizar directamente estes servizos e si camiñar cara un modelo equilibrado de empresa cuxa xestión estea controlada polas institucións públicas
Antón Bao, representante do BNG no Consorcio do Servizo contra Incendios, defendeu o sistema de xestión público que integre ás diferentes institucións implicadas (Xunta, Deputación e Concellos) nun sistema de empresa pública
Lugo, 25 de xuño de 2010. O grupo provincial do BNG, a través de Antón Bao, vicepresidente da Deputación e representante do BNG no Consorcio Provincial de Lugo para a Prestación do Servizo contra Incencios e Salvamento, manifestouse ao participar na xuntanza do Pleno do Consorcio desta mañá en contra dun sistema de xestión privado no parque de bombeiros provincial e defendeu que “os servizos de emerxencia deben estar suxeitos a modelos de xestión que garantan o carácter público do servizo e a unificación do mando e das condicións de traballo”. Neste sentido, Antón Bao, defendeu o sistema de xestión público que integre ás diferentes institucións implicadas (Xunta de Galiza, Deputación de Lugo e Concellos) nun sistema de empresa pública.
Segundo explicou Antón Bao, “a aposta pola privatización, mercantilización e desmantelamento de todo tipo de servizos públicos que está a levar a cabo da Xunta de Galiza do PP implica diminuír a calidade do servizo e precarizar e reducir o emprego”. Antón Bao lembrou que o “cambio de filosofía deste proxecto de parques de bombeiros para Lugo responde unicamente aos intereses da nova Xunta de Galiza con Feijóo á fronte, que impuxo a modificación dos anteriores estatutos do Consorcio asinados polo bipartito e que camiñaban na dirección totalmente contraria, é dicir, na defensa dun servizo público contra incendios e salvamento que responda á salvagarda da cidadanía e non a intereses de beneficio empresarial”. Antón Bao expresou que desde o BNG “consideramos importante a apertura o máis axiña posíbel dos parques comarcais de bombeiros, seguindo o modelo que defendemos”.
Antón Bao afirmou que “a dinámica da empresa privada pretende o máximo beneficio co mínimo custe, a conta do rebaixe da calidade do servizo da redución do persoal, de baixos salarios, contratos temporais e precariedade laboral dos seus traballadores e traballadoras”, polo que se reafirmou en que “o BNG sempre defendeu o público fronte ao privado á hora de aplicar a xestión directa dos servizos de emerxencias ou, como neste caso, asegurar un modelo de empresa pública participada polas administracións que sexa viábel mais que en todo momento garanta unha xestión plenamente pública dos seus recursos, garantindo tamén os dereitos e condicións laborais dos traballadores e traballadoras, nun momento de crise no que necesitan toda a protección posíbel nos seus empregos”.
Por esta razón, desde o BNG a través de Antón Bao, defendeuse que o modelo ideal a seguir para a prestación e xestión dos servizos de emerxencias e salvamento tería que integrar de xeito equilibrado á parte pública (as diferentes administracións) e a participación privada, estabelecendo unha empresa pública para xestionar os servizos onde en todo momento prevaleza a capacidade de control público para que continúen a ser servizos de calidade. Segundo Bao afirmou, “é a única maneira de garantir que non se reduza o emprego e empeoren os servizos prestados, xa que deste xeito evítase que ese traballo sexa realizado mediante empresas privadas subcontratadas que procuraren abaratar custes para obter o maior beneficio posíbel en detrimento do servizo e precarizando as condicións laborais”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
