BURELA (FNC) .- Responsables do Consorcio Galego de Servizos da Igualdade e do Benestar viaxarán a Burela para analizar as propostas realizadas desde o Concello co obxectivo de incrementar o número de prazas da escola infantil. Foi o compromiso que lle arrincou o alcalde de Burela, Alfredo Llano, ao xerente do Concorsio, Roberto Rodríguez, no encontro que ambos mantiveron nas últimas horas.
O rexedor explicou que “nós queremos ampliar o servizo da gardería debido á demanda que temos, agora mesmo en xuño temos unha lista de espera de 20 prazas. O que pretendemos é que se habiliten novos espazos no ISM ou, si a demanda segue a medrar, construir unha nova escola infantil. Quedamos no compromiso de que os responsables do Consorcio visitarán Burela o antes posible para analizar as nosas propostas. Si no ISM puidéramos contar con 30 ou 40 prazas entón evitaríamos de momento a construcción dunha nova escola, aínda que a longo prazo será necesario afrontar este proxecto. Si para o vindeiro curso contamos con máis prazas poderemos dar un bó servizo e non quedaría ningunha familia sen poder levar aos seus nenos á escola infantil”.
Respecto institucional
Sobre a xuntanza mantida polo portavoz do PP en Burela, José María González Barcia, coa conselleira de Traballo e Benestar, Beatriz Mato “dicir que non conseguiu absolutamente nada neste tema polos comentarios que fixo á prensa. Eu creo moito nas relacións institucionais, si se perde o respecto institucional pérdese un pouco todo, o que non podemos é facer administracións paralelas. Si alguén non cre nas institucións, se non se cre na política que non se meta nela. O que non se pode facer son paralelismos administrativos que non teñen nada de lóxico e supoñen unha falta de respecto total. Este señor foi a Santiago a falar coa conselleira e nós temos solicitado institucionalmente unha entrevista con Beatriz Mato e non nos atende e recibe ao portavoz do PP ¿qué pretenden con esto? E encima ten o valor de recoñecer que non chegou a ningunha conclusión. Nós polo menos arrincamos o compromiso do xerente Roberto Rodríguez de vir a Burela e facer unha valoración dos locais e tratar de solucionar o problema, nós non nos adicamos a facer propaganda e fotos espureas que non teñen nada que ver coa realidade”.
Fundación Eu Son
Alfredo Llano tamén acompañou á xerente da Fundación Eu Son de Burela á Dirección Xeral de Dependencia e Autonomía Persoal. O rexedor relatou que “o que se pretendía era concertar 20 prazas para o centro de día construido, rematado e perfectamente preparado para prestar este servizo na nosa vila en Suafonte. Xa nos dixeron que neste ano sería imposible e que o ían estudiar para o 2011, comentaron que tentarían concertar 12, pero a demanda actual que temos xa supera esa cifra e esperemos que sexa unha realidade para o vindeiro ano”. Llano lembrou que “o centro de día foise facendo coa anterior Xunta, coa axuda da Deputación de Lugo e do Concello de Burela e non entendemos por qué razón se está retrasando a súa posta en funcionamento cando se trata dun servizo importantísimo para a nosa vila e para o resto da comarca. Agardaremos que esto chegue a bó porto, a partires de outubro quedaron de decirnos xa algo en firme e a ver si o vindeiro ano podemos contar xa con esas prazas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
