LUGO .- Máis de 300 persoas viaxan esta semana á Mariña e á Ribeira Sacra con programa Km0 da Deputación. Na Mariña visitarán a praia da Rapadoira, o porto de Foz, os hórreos e a capela de San Bartolo, fábrica de Alcoa, o castelo mariño e o faro de San Cibrao e farán a ruta as praias.
Nota de Prensa
Máis de 300 persoas viaxarán esta semana á Mariña e á Ribeira Sacra con Km0
O Presidente da Deputación recibiu a veciños de Vilalba e a estudantes do Incio dentro do programa medioambiental
O Presidente da Deputación, José Ramón Gómez Besteiro, recibiu este martes a un grupo da Asociación Nausti de Vilalba e a outro do CEIP Ricardo Gasset do Incio no Pazo de San Marcos dentro de Km0. En total, 316 persoas participarán esta semana no programa medioambiental impulsado polo organismo provincial.
No primeiro caso, os 48 integrantes da asociación chairega visitaron o Mazo de Santa Comba e viaxaron ata Os Peares, onde coñeceron o Ecomuseo, o mirador Cabo do Mundo, a igrexa da Cova e a adega Vía Romana. Tamén fixeron un percorrido en catamarán pola zona. Polo que se refire ós 55 estudantes do Incio, logo de percorrer o Centro de Produción de Programas da Fundación TIC, desprazáronse ata a Mariña. Visitaron a praia da Rapadoira, o porto de Foz, os hórreos e a capela de San Bartolo. Completaron a ruta cun percorrido a pé ata Arealonga.
O mércores, 55 integrantes da Asociación de Veciños “A Ribeira de San Mamede” do Páramo optarán por Ribadeo. No Concello mariñano, visitarán o Castelo de San Damián e o mosteiro das Clarisas. Tamén farán unha travesía marítima pola ría. Ese mesmo día, 48 veciños da Fonsagrada coñecerán o Centro de Interpretación do río Rato para logo desprazarse ata o sur da provincia. Concretamente, visitarán o Ecomuseo, a adeaga Vía Romana, o mirador Cabo do Mundo, a igrexa da Cova, e farán un percorrido en catamarán pola zona.
Finalmente, o xoves, 55 veciños de Castro de Rei redescubrirán a oleiría de Bonxe co programa da Deputación. A continuación, visitarán a fábrica de Alcoa, o castelo mariño e o faro de San Cibrao (Cervo). Pola súa banda, 55 veciños do Páramo farán a ruta “As Praias”, que inclúe unha visita á Fundación TIC, á praia da Rapadoira, ó porto de Foz e á capela de San Bartolo. Tamén farán un percorrido pola costa ata Arealonga.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
