NOTA DE PRENSA:
Os alcaldes de O Vicedo, Muras e Cospeito negan rotundamente calquera irregularidade na contratación de obras
Lugo, a 16 de xuño de 2010.- Os alcaldes do Partido Popular dos concellos de O Vicedo, Muras e Cospeito, ante a información publicada hoxe por un medio de comunicación na que os relacionan cunha suposta práctica irregular, consistente en incrementar o custo dos proxectos de obra a levar a cabo nos seus respectivos municipios, facéndose eco das declaracións realizadas por un técnico da Deputación de Lugo ante a xuiza que instrúe o caso da denominada “operación rei”, rexeitan categóricamente tales afirmacións.
De feito, negan con total rotundidade que procederan, como así se lles achaca, ó inflado de ningunha obra executada nos seus respectivos termos municipais.
Os tres rexidores populares salientan que, para disipar calquer tipo de dúbidas ó respecto, póñense, como non podía ser doutro xeito, segundo salientan, a disposición das autoridades xudiciais competentes, ó igual que toda a documentación relacionada cos expedientes das obras que sexa menester revisar.
289