LUGO .- A Vicepresidenta Segunda da Deputación, Lara Méndez, clausurou este venres a xornada “Europa, na creación de emprego”, que supón o peche ós actos da semana do empendemento posta en marca pola Rede Mercurio e da que forman parte 14 entidades: Deputación, Concello de Lugo, Universidade de Santiago de Compostela, Fundación CEL, Cámara de Comercio, Asociación de Xóvenes Empresarios de Lugo, Asociación de Empresarias de Lugo, CETAL, Centro Tecnolóxico Lácteo, COGAMI, Federación Galega de Comercio, AGESTIC, Confederación de Empresarios de Lugo e Asociación de Empresarios do Ceao.
Lara Méndez destacou que estes actos permiten potenciar a creación de empresas, a súa consolidadación e internacionalización e estimular o desenvolvemento de redes de traballo conxunto para favorecer a colaboración empresarial. Neste senso subliñou que “todos os que estades nesta sala tedes un denominador común: o espíritu emprendedor, que nace dunha idea para convertirse nun gran proxecto. Precisamente, en momentos económicos como o actual, as institucións debemos de ser máis útiles ca nunca. Temos que ser capaces de poñer enriba da mesa medidas e axudas destinadas á promoción do emprego e a potenciar a economía con medidas que os Concellos non poden executar por sí sos e que complementan outras ás que tampouco chegaría a Xunta de Galicia. O importante é sumar e non restar”.
A este respecto, Lara Méndez explicou que Deputación “está cos autónomos e emprendedores da provincia”. Como exemplos desta colaboración, a Vicepresidenta destacou que a liña de axudas creada en 2008 dende o INLUDES e destinada a subvencionar os gastos correntes dos autónomos, “converténdonos nunha das poucas Deputacións de España que impulsa un programa destas características”. En total, a este fin destináronse 1,4 millóns de euros dos que xa se beneficiaron 1.200 autónomos.
Km0.Deputación de Lugo, un programa co que se manteñen 3.000 postos de traballos na provincia; Lugo Compite +, un pioneiro, personalizado, e gratuito proxecto anti-crise dirixido a potenciar e manter as empresas lucenses; Lug02, o programa medioambiental que aposta pola profesionalización do sector; ou a contrución da Granxa Gayoso Castro, un proxecto mediante o cal os autónomos do sector agrogandeiro aforrarán custes; son outras da iniciativas citadas por Lara Méndez dentro da aposta do organismo provincial polos emprendedores desta provincia.
Programa da Semana do Emprendemento
A Semana do Emprendemento celebrouse baixo o lema “Emprende. Pon os teus soños a traballar”. As actividades comezaron o luns 14 de xuño cun almorzo de emprendedores que tivo lugar na Fundación CEL. O martes, día 15, celebrouse unha charla sobre aspectos xurídicos na creación de empresas de base tecnolóxica, na Escola Politécnica Superior da USC. O mércores 16 conmemorouse o Día do Emprendemento. A Semana continuou o xoves, día 17, cunha charla sobre imaxe de marca persoal, no CEI-NODUS. A programación rematou este venres cunha charla sobre Europa na creación de emprego, no Pazo de San Marcos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
