BARREIROS (FNC) .- Hoxe ás 17 horas no centro sociocultural Manuel Díaz Sampedro de San Cosme terá lugar a clausura do curso de convivencia e do taller de memoria que se veu celebrando desde o pasado mes de outubro e que contou coa participación dunha treintena de veciños.
A concelleira de Cultura, Adela Rodríguez, lembra que “empezamos esta andadura unhas quince persoas e foi aumentando co paso do tempo ata chegar ás trinta persoas, co que entendemos que a todo o mundo lle gustou. Ademáis nunca houbo faltas dos participantes a esta cita”. A edil popular agradece “a toda a xente a asistencia porque fixeron a convivencia entre todos moi agradable. Este curso clausúrase agora para acondicionar o centro no que se impartía e no que se van poñer novas mesas, novas sillas… pero en outubro empezaremos de novo con actividades máis extensas”.
Ao acto de clausura asistirán a concelleira de Cultura, Adela Rodríguez e o alcalde, Alfonso Fuente.
Viaxes
A responsable de Cultura anuncia tamén que ainda quedan prazas libres para participar nas viaxes a Santiago e a San Andrés de Teixido que organiza o Concello. Adela Rodríguez explica que “para a viaxe a Santiago de Compostela quedan 4 ou 5 prazas e si algunha persoa está interesada en ir ainda se pode anotar. Esta viaxe é gratuita, a saída será ás 8 da mañá de Casa Panta e faremos as paradas habituais. E para o 23 de xuño temos a viaxe a San Andrés de Teixido, tamén é gratuita ainda que teñen que pagar 13 euros para a comida. Os que queiran ir que se apunten na oficina municipal de información xuvenil ou chamando por teléfono ao 982 124 106”.
Os días 17, 18 e 21 de xuño de 9 a 14 horas os participantes poderán recoller os billetes para a viaxe a San Andrés.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
