CERVO .- No día de onte -e despois de recibir a chamada da delegada provincial da Xunta de Galicia e do xefe territorial da Consellería de Medio Ambiente- o Concello de Cervo remitiu á administración autonómica unha primeira estimación de danos provocados polo temporal de choiva no termo municipal.
Nesta primeira valoración as perdas nos bens e infraestruturas municipais foron cuantificadas polos técnicos do Concello en 212.000 euros, distribuídos fundamentalmente en viais locais (130.000 euros), saneamentos (60.000 euros), abastecementos de auga (2.400 euros) e desperfectos en edificios de titularidade municipal (12.000 euros). Ademais, remitiuse tamén unha valoración provisional de danos acaecidos en propiedades privadas por valor de 306.000 euros.
O alcalde de Cervo, Alfonso Villares, sinalou que este inventario de perdas remitido á Xunta está feito de xeito provisional, “e non quita que a lista de danos se teña que ampliar co paso dos días porque aínda estamos traballando para restablecer a normalidade e cada día que pasa atopámonos con novos estragos derivados das choivas” recalcou.
O rexedor confirmou que na mañá de hoxe se puxeron en contacto co Concello representantes da Deputación e da delegación do Goberno solicitando tamén unha lista de danos “e ao igual que fixemos onte coa Xunta, remitímoslles a relación de incidencias que tivemos no noso municipio como consecuencia destas inundacións”.
Oficina para os cidadáns
Ao marxe desta valoración inicial remitida ás tres administracións, o rexedor quixo recordar que permanece a disposición dos veciños unha oficina na Casa Consistorial para que todas aquelas persoas que o desexen comuniquen os danos sufridos nas súas propiedades ou bens, xa sexa en vivendas, enseres, negocios, animais, ou calquera outro tipo de propiedade que se vira afectada polas choivas. “Isto permitiranos ter unha relación de danos o máis exhaustiva e rigorosa posible para que cando se fagan públicas as axudas públicas que se poidan artellar poidamos axilizar e canalizar do mellor xeito posible todas estas peticións veciñais” dixo o alcalde.
Sete días traballando
Villares recordou que aínda hoxe se continúan facendo tarefas para recobrar a normalidade no municipio. “Xa levamos case unha semana dende que aconteceron as choivas torrenciais e dende aquel día, traballadores municipais, membros do servizo de Protección Civil do Concello e operarios da Xunta seguen facendo traballos para restablecer a normalidade nos distintos puntos onde se produciron deperfectos a causa das enchentes e dos asolagamentos. Actualmente esta axuda da Xunta consiste nun camión, unha pala e seis operarios que están traballando xunto cos operarios municipais en tarefas que se centran fundamentalmente no restablecemento de vías municipais, e reparación e acondicionamento das redes municipais de subministro de auga e saneamento” precisou o alcalde.
Por último, Villares quixo salientar a labor destes traballadores e agradeceu unha vez máis a colaboración da Xunta de Galicia e da Axencia Galega de Emerxencias “por todo o traballo que desenvolveron xunto con nos xa dende o primeiro día no que se produciu este suceso”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
