CERVO .- O Concello de Cervo creou unha oficina de atención ao cidadán para inventariar os danos provocados polo temporal, trasladará a información recollida ás distintas administracións unha vez estean artelladas as liñas de axudas
Nota de Prensa
Situada na Casa do Concello estará atendida por persoal municipal que recollerá a relación de perdas e desperfectos sufridos polos particulares a causa das choivas
CERVO CREA UNA OFICINA DE ATENCIÓN AO CIDADÁN PARA INVENTARIAR OS DANOS PROVOCADOS POLO TEMPORAL
* Trasladarán a información recompilada ás distintas administracións unha vez estean artelladas as liñas de axudas .
Cervo, 14 de xuño de 2010.- O Concello de Cervo avalía os inmensos danos provocados polo temporal de choiva no seu termo municipal e desde hoxe puxo a disposición dos cidadáns as dependencias do consistorio para que fagan chegar a relación de danos nas súas vivendas, propiedades e negocios co obxecto de ter no menor tempo posible cuantificada a magnitude dos danos ocasionados por estas enchentes.
O alcalde, Alfonso Villares, salientou a necesidade de que os veciños e propietarios de negocios fagan chegar “canto antes” esa relación de desperfectos no concello “para tratar de axilizar na medida das nosas posibilidades as posibles axudas que se poidan artellar desde as distintas administracións con competencias na materia” indicou.
Villares dixo que operarios municipais e persoal da Xunta de Galicia continúan traballando para restablecer a normalidade nos distintos puntos do término municipal onde se produciron danos despois do paso das choivas torrenciais que azoutaron o concello a pasada semana e reiterou o agradecemento ao Goberno autonómico pola axuda que está a prestar ao Concello “tanto en material como en persoal técnico” para acometer devanditos traballos.
Relación de danos
A primeira hora da mañá o alcalde mantivo unha xuntanza cos encargados dos distintos servizos municipais para solicitarlles a elaboración “de forma exhaustiva e detallada” dunha relación de danos e desperfectos nos bens de titularidade municipal e tamén nas infraestruturas pertencentes a outras administracións que se atopan no termino municipal -as cales basicamente se cinguen aos viais provinciais e á estrada nacional N-642- “para remitírllelas canto antes e que as teñan en conta para que fagan as obras de arranxo necesarias e para a non volver a ter que sufrir este tipo de estragos no caso que volvamos a padecer unhas choivas desta intensidade”. Así mesmo, Villares indicou que esta valoración de danos tamén servirá “para estar preparados cando calquera administración nos requira esta información e axilizar na medida do posible as axudas que se poidan habilitar” recalcou.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
