BURELA (FNC) . Unha cámara de inspección de colectores analiza os danos causados polo temporal na canalización do río soterrado de Burela, segundo daba a coñecer este mediodía o alcalde, Alfredo Llano, despois do encontro mantido con responsables de Espina y Delfín, a empresa concesionaria do servizo de abastecemento de auga.
O rexedor explicou que “no Concello estamos traballando en varias forntes ao mesmo tempo, teño que recoñecer que a Deputación favoreceu moito a recuperación da nosa vila. Xa o 10 de xuño trouxo aquí dúas motoniveladoras, unha retroexcavadora e un camión cargador, esas máquinas seguirán aquí traballando ata o vindeiro 29 de xuño. Nós xa contamos tamén desde onte cun equipo de rego asfáltico que está recuperando certas zonas preto do cemiterio, nas rúas que resultaron máis afectadas e tamén actuaremos en Vila do Medio na área recreativa que sufriu tantos danos… teremos aquí este material ata o 2 de xullo e despois seguirá o plan de actuación que se acordaba o pasado luns en Cervo na xuntanza mantida entre os alcaldes e o presidente da Deputación. Todos teremos que compartir a maquinaria e os efectivos da institución provincial, nós terémolo aquí ata o 2 de xullo e ata o 31 estará a disposición de todos os concellos que o precisen en tandas duns 10 días”.
Llano subliñou que “desde onte temos aquí máis persoal de Espina y Delfín que trouxeron dous camións de saneamento e unha cámara de inspección de colectores que está a facer a súa labor e o seu traballo para saber cómo afectou ese temporal á canalización do río soterrado que temos aquí en Burela. Imos facer unha análise pormenorizada ao longo dos vindeiros días para saber cómo se atopa todo e ver a cantidade de pedras, de lodos e de material vexetal que chegou a todos eses puntos”.
O alcalde de Burela engadiu que “hoxe comezamos na praia da Marosa con maquinaria que aporta Costas a tentar normalizar a situación dese areal que foi un dos máis afectados polo temporal, hai alí un socavón enorme e hai que deixar todo listo antes de que se inicie a tempada estival. Considero que a partires do 1 de xullo estea en perfectas condicións para uso e disfrute dos bañistas. En Burela estamos a actuar con rapidez e con eficacia para voltar canto antes á normalidade, a Xunta tamén está tentando limpar os ríos e regatos para telos en perfecto orde. Agardemos que estas situacións non se repitan no futuro e si así fose queremos ter todo listo para que o impacto sexa moito menor”.
Nova escola infantil
Por outra banda, Alfredo Llano, anunciou que a vindeira semana manterá un encontro cos responsables do Consorcio Galego da Igualdade e do Benestar para falar das necesidades que ten Burela no ámbito da educación infantil. O rexedor lembrou que “xa lle enviamos hai tempo unha carta á xerencia e á conselleira Beatriz Mato para que soubese que en Burela precisamos máis prazas para atender aos nenos de 0 a 3 anos. Plantexámoslles a posibilidade de habilitar novos espazos no edificio da Casa do Mar para dar cobertura a 30 ou 40 nenos máis ao longo do vindeiro curso”. Alfredo Llano sinalou que “nesa posibilidade lles insistirei de novo o luns e tamén na necesidade de construír unha nova escola infantil en Burela si o número de nenos desa idade segue a medrar a partires de agora. Veremos que nos di a Xunta aos nosos plantexamentos”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
