Nota de Prensa
A Xunta corrobora que o Alcalde de Viveiro, o socialista Melchor Roel bloqueou durante catro meses a apertura dos centros ao negarse a adoptar un acordo plenario que xa tiñan negociado con SOGASERSO en xaneiro de 2010
A SECRETARIA XERAL DE BENESTAR CONFIRMA EN RESPOSTA AO DEPUTADO POPULAR JOSE MANUEL BALSEIRO A APERTURA DAS RESIDENCIAS DE VIVEIRO E MONFORTE NO MES DE SETEMBRO
* López Abella confirmou que as prazas destas residencias serán sostidas ao 100% con fondos públicos. Ademais clarexou que SOGASERSO, a sociedade titular destes centros, participada polas caixas de aforro, non terá ánimo de lucro.
Santiago, 30 de xuño de 2010.- A secretaria xeral de Familia e Benestar da Xunta de Galicia, Susana López Abella, confirmou en sede parlamentaria a preguntas do deputado popular Jose Manuel Balseiro, que o Goberno galego prevé a apertura da residencias para persoas maiores de Viveiro e Monoforte a mediados do mes de setembro. Así o explicou no seo da Comisión de Sanidade e Política Social celebrada no día de hoxe no Pazo do Hórreo.
BLOQUEO DO ALCALDE DE VIVEIRO
López Abella explicou que durante catro meses que o Alcalde de Viveiro, o socialista Melchor Roel bloqueou durante catro meses a apertura dos centros ao negarse a adoptar un acordo plenario que xa tiñan negociado con SOGASERSO en xaneiro de 2010. Non foi ata o 31 de maio deste mesmo ano cando finalmente someteu como proposta da alcaldía o acordo necesario. Este bloqueo, segundo explicou a secretaria xeral, non só condicionou a apertura de residencia de Viveiro senón tamén do resto da rede de residencias que a Xunta ten previsto abrir (Monforte, Vimianzo e Ourense). A secretaria xeral lamentou a actitude do rexedor vivairense e indicou que incluso tiñan problemas para localizalo.
Balseiro na súa intervención insistiu na decepción do conxunto dos veciños da Mariña pola actitude do alcalde socialista que en vez de colaborar coa administración autonómica neste ámbito, privoulles da disposición desta residencia que hoxe xa podería estar en servizo. Ademais salientou que a Xunta corroborou na súa totalidade o adiantado por este mesmo deputado nos pasados meses cando alertou de que era preciso adoptar un novo acordo plenario para evitar que se freara a apertura da residencia, aspecto que foi negado polo rexedor viveirense.
PRAZAS PÚBLICAS, SOCIEDADE SEN ÁNIMO DE LUCRO
A dirixente autonómica, finalmente, quixo clarexar que as prazas destas residencias serán sostidas ao 100% con fondos públicos. Ademais pese a que a día de hoxe a administración autonómica non forma parte do accionariado da sociedade SOGASERSO (Sociedade Galega de Servizos Sociais), titular destas infraestruturas de benestar, existe un acordo con esta sociedade participada hoxe en exclusiva polas caixas de aforro galegas para evitar que teña entrada un terceiro socio, garantindo polo tanto que esta sociedade non terá ánimo de lucro.
López Abella adiantou que na reunión do 21 de xuño do consello de administración de SOGASERSO acordouse promover a venda das accións da Xunta a principios do mes de xullo e será nesa mesmas datas nas que terá lugar a publicación do anuncio de contratación do concerto das prazas. “Prazas públicas ao 100%, porque ese é o compromiso da Xunta de Galicia e das caixas”. Cos prazos que marca a lei “é de esperar que poidan estar en funcionamento” ambas residencias “a mediados do mes de setembro”-concluíu a secretaria xeral.
Finalmente, en resposta a Balseiro, López Abella insistiu en que a Consellería de Traballo e Benestar “garante a prestación do servizo público de atención aos nosos maiores aplicando criterios de igualdade malia as diferenzas de renda e de territorio de residencia” dos futuros usuarios.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
