Rúa Eijo Garay transformouse nun río (foto:Carlos Cortegaza)
BURELA (FNC) .- As choivas das últimas horas causaron cuantiosos danos en Burela, en garaxes, portais e locais comerciais, segundo o alcalde, Alfredo Llano. as principais complicacións céntranse na zona do Perdouro, onde un muro está a piques de caer e tamén na Casilla, onde a estrada está cortada ao tráfico.
O rexedor sinalou que “este temporal estános a afectar de xeito moi negativo, hai moita preocupación dado que hai terreos anegados e fixo bastante desfeita nas estradas, pero o peor foi que no Monte Castelo vemos a cantidade de auga que está como reventando toda a montaña e circulando hacia vila. Baixou tal cantidade de materia, de ramallos, de árbores, de lodos que taponou todos os sumidoiros e a auga pasou polas rúas ata o porto inundando e facendo moito dano en todos los lugares polo que pasou”.
Llano dixo que “de madrugada logramos liberar todos os sumidoiros e que así baixase a cantidade de auga acumulada, pero ás seis da mañá a situación repetíuse de novo, logramos volver reducir o paso de auga polas rúas de momento, agora están dúas palas traballando nas zonas máis afectadas, pero eso non quere decir que non volvamos sufrir algún problema similar… a cantidade de auga que está a caer é impresionante e os regatos todos van desbordados hacia Burela. Hai outras dúas palas traballando no Monte Castelo para desviar o caudal hacia outras vertentes que vaian hacia San Román ou hacia o río”.
O alcalde burelés engadiu que “temos que tratar por todos os medios que baixe a auga cara Burela, pero é moi difícil porque o Monte Castelo está como reventado. Están afectadas as entradas e saídas de Burela e as rúas principais do noso pobo, estamos volvendo a limpar as canalizacións e os sumidoiros, pero é moi difícil”. Alfredo Llano agradece “a colaboración prestada por Protección Civil, pola Delegación de Obras e Servizos, polo Grumir, pola empresa concesionaria do servizo de augas e a todas as administracións que están aquí facilitando materiais. Pídolle á xente que teña paciencia porque estamos distribuindo bombas de achique onde podemos e a ver si entre todos logramos minimizar os efectos deste temporal que realmente é moi preocupante. Os danos son cuantiosos”.
O Concello en conversa coas dirección do colexios decidían suspender as clases esta mañá para evitar danos persoais. Llano contou que “vendo o que estaba a ocurrir en todo o concello desde o Monte Castelo, e como o río dos Matos ía desbordarse ao igual que xa aconteceu en xaneiro, e que sería moi complicado evacuar a todos os alumnos dos colexios, decidimos conxuntamente suspender as clases entre o Concello e os directores dos centros. É mellor previr que despois ter que arrepentirse e falamos cos directores para recomendarlles que non houbese clases hoxe e así evitar que non circulasen pola rúa e para que en caso de que ocorrese algo estivesen nas súas casas. Non sabíamos moi ben o que podía ocurrir”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
