Nota de Prensa
O GOBERNO NON PORÁ EN MARCHA O PLAN DE ACTUACIÓNS CONTRA OS EFECTOS DOS TEMPORAIS NA COMARCA DA MARIÑA COMO RECLAMABA O BNG
O deputado do BNG, Fernando Blanco denunciou “a falta de previsión do Goberno galego e a súa nula actuación para reducir as perdas nos patrimonios públicos, familiares e empresarias”
Santiago de Compostela, 23 xuño, 2010. Pleno- O deputado do BNG, Fernando Blanco defendeu hoxe, no Parlamento galego a necesidade dun plan de actuacións contra os efectos dos temporais na comarca da Mariña, iniciativa que foi rexeitada polo grupo popular.
Blanco explicou na súa intervención que defendía unha proposición non de lei “atemporal” pero con “virtualidade” xa que no mes de decembro producíase un temporal de neve na comarca da Mariña e recentemente repetíanse as inclemencias meteorolóxicas que ocasionaban graves danos nos patrimonios públicos , familiares e empresariais.
Blanco lembrou que no mes de decembro “o Goberno galego non tomou ningunha decisión, nin política nin administrativa” e -na súa opinión-, “ estivo ausente nunha problemática que afectou a bens públicos e privados”.
Neste sentido, engadiu que nin sequera se celebrou un Consello da Xunta nin visitas nin información do Goberno galego e esta é a razón- dixo- pola que o BNG presenta esta iniciativa co obxecto de “instar a Xunta para poñer en marcha un plan de acción”.
Blanco referiuse ás inundacións que asolagaron esta comarca e afirmou que “provocaron efectos tamén sobre infraestruturas, plantacións e explotacións agrogandeiras” e a pesar disto- dixo- o Goberno galego “non tiña articulado medidas nin previsións coma fixera o anterior goberno co temporal Klaus.”
O deputado nacionalista explicou que durante este temporal, 12 estradas foron pechadas, a vía férrea tamén permaneceu pechada durante un tempo, desbordamentos dos ríos e centros educativos pechados en Burela.
Ante esta situación, Blanco considerou que “o Goberno galego tiña a obriga de informar aos cidadáns e mesmo persoarse no lugar” para articular as axudas previstas pola Xunta e informar delas a través dunha oficina onde se puideran achegar os veciños e veciñas para coñecer as medidas postas en marcha polo Goberno galego.
Na actualidade e a pesar das perdas, valoradas en máis de 3 millóns de euros, aínda non existe unha relación dos concellos afectados polo temporal nin as axudas para a reparación dos danos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
