RIBADE (FNC) .- O Concello de Ribadeo repartirá 500 exemplares da segunda edición de Komikea entre todos os rapaces escolarizados maiores de 14 anos. A revista foi presentada esta mañá no salón de plenos. Na elaboración da revista, creada para a prevención das drogodependencias, participaron 73 mozos.
Segundo explicou a responsable do Programa de Prevención de Drogodependencias e Incorporación Social do Concello, Mónica Fernández Lamparte, “Komikea é unha iniciativa que naceu no ano 2005 coa intención de implicar aos mozos ás mozas na prevención das drogodependencias, e que foran eles mesmos os que elaboraran un documento preventivo para repartir entre os compañeiros de IES de todo o concello. Pensamos que sería máis fácil facer prevención entre eles porque todos empregan a mesma linguaxe e teñen tamén a mesma forma de pensar que cunha persoa maior e que lles resultase allea”.
O alcalde de Ribadeo, Fernando Suárez, sinalou que “ainda que hai datos para a esperanza, hai aspectos preocupantes e é necesario incidir na prevención nos preadolescentes. De aí a importancia de iniciativas coma ésta que hoxe presentamos”.
Fernández Lamparte lembrou que “a primeira edición foi realizada por alumnos de 4º de ESO dos dous IES e do Colexio Sagrado Corazón, e decidimos que nalgún momento realizaríamos unha segunda. É un traballo que leva moito tempo, hai que ir polos colexios, elexir un grupo de terceiro ou cuarto da ESO e conseguir un montón de horas de clases libres para poder intervir. Hai un primeiro contacto no que lles explicamos que son as drogas e como se debe facer a prevención, despois explicámoslles como se fan os cómics, cómo se crea un personaxe e cómo debe ser o guión e como se plasma todo eso en debuxos. E despois houbo cinco sesión máis de traballo no que os rapaces se enfrontan a un folio en branco e teñen que empezar a discurrir un guión, uns persoanes, unha historia…teñen que coloréalo, etc, etc… é algo que da moito traballo e que require moitas horas”.
A segunda edición de Komikea foi realizada durante o curso 2008-2009 por parte de alumnos de 3º e 4º curso de ESO e de PCPI dos centros seguintes:
Colexio Sagrado Corazón, IES Porta da Auga, Centro Integrado de FP Porta da Auga e IES Dionisio Gamallo Fierros. A responsable do Programa de Prevención relatou que “este traballo traduciuse en 9 historias que se recollen nesta revista que será repartida entre todos os mozos e mozas maiores de 14 anos escolarizados en Ribadeo. En total imos repartir 500 exemplares de Komikea II. Na súa elaboración participaron un total de 73 alumnos e alumnas dos centros ribadenses”.
Mónica Fernádez Lamparte e Fernando Suárez agradeceron “o apoio dos titores, profesores, orientadores e orientadoras e sobre todo do alumnado e de Fefo, sin todos eles, non poderiamos ter feito este programa”. O rexedor destacou “a labor de compromiso de todos os implicados neste programa. Cando se traballa en conxunto, como estamos a facer desde o Concello e os centros, os resultados sempre son mellores”.
Ao acto desenvolvido esta mañá no Concello asistiron os alumnos participantes e os seus profesores.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
