Desprensemento na estrada de San Cibrao a Viveiro (foto: Raul Torres)
A MARIÑA .- O grupo de apoio loxístico da Axencia Galega de Emerxencias instalouseo a medianoite pasada en Barreiros para atender as incidencia causadas polas intentsas choivas.
Nota de Prensa
A MARIÑA LUCENSE REXISTROU MÁIS DE MEDIO CENTO DE INCIDENCIAS ESTA NOITE RELACIONADAS COAS CHUVIAS
* O Grupo de Apoio Loxístico da Axencia Galega de Emerxencias quedou instalado a medianoite en Barreiros para minimizar as incidencias
Santiago, 10 de xuño de 2010.- As chuvias rexistradas nas últimas horas teñen provocado ata 54 incidencias ao longo desta noite nos concellos da Mariña lucense, na súa meirande parte relacionadas co anegamento de vivendas, estradas e rúas.
En concreto, entre as 20.00 horas e as 7.00 horas rexistráronse no Centro de Atención ás Emerxencias- 112 Galicia un total de 16 incidencias relacionadas con vivendas anegadas, outras 14 con estradas con bolsas de auga e dez sobre rúas anegadas.
Os concellos máis afectados están a ser Barreiros, Burela, Cervo, Foz e Ribadeo, aínda que tamén se rexistrou algunha incidencia ao longo da noite relacionada coas chuvias en Lourenzá, Viveiro e Xove.
Ante as predicións meteorolóxicas recibidas a última hora de onte, a Axencia Galega de Emerxencias (Axega) enviou á Mariña lucense ao seu Grupo de Apoio Loxístico, dotado cun remolque para achiques e dun Posto de Mando Avanzado, que quedou instalado no Concello de Barreiros pasada a medianoite.
En dito posto se integraron o alcalde deste concello, Alfonso Fuente Parga; a delegada territorial da Xunta en Lugo, Raquel Arias; o director xeral de Emerxencias e Interior, Santiago Villanueva; e o xerente da Axega, Juan José Muñoz; así como responsables de distintos grupos de intervención e corpos de seguridade.
Pola súa banda, a Consellería de Medio Ambiente, Territorio e Infraestruturas mobilizou un operativo de Augas de Galicia, composto por un garda fluvial da Demarcación de Augas na provincia de Lugo e un equipo de limpeza e outro de acondicionamento de cauces. Estes oito operarios comezarán ao longo da mañá os traballos de limpeza e acondicionamento nas zonas afectadas. Tamén se encargarán de facer un seguimento dos traballos e da valoración dos danos ocasionados.
A directora xeral de Infraestruturas, Isabel Vila, desprazarase esta mañá á Mariña lucense para inspeccionar os desperfectos causados polo temporal e coordinar os labores de emerxencia e reparación de estradas.
Así mesmo, ao longo da mañá tamén está previsto que se incorpore ao operativo o conselleiro de Presidencia, Administracións Públicas e Xustiza, Alfonso Rueda, que visitará as principais zonas afectadas polas chuvias.
O dispositivo permanecerá despregado e atento a todas as continxencias que se poidan producir ata que se dea por rematado o episodio de meteoroloxía adversa e os traballos acometidos para solucionar todas as incidencias producidas.
Predicións meteorolóxicas
As predicións meteorolóxicas da Axencia Estatal de Meteoroloxía (Aemet) -único organismo de predición que contempla o Plan Nacional de Alertas- eran de chuvias para toda Galicia cun acumulado estimado de 40 milímetros cada doce horas –umbral mínimo de alerta de nivel amarelo-, polo que o 112 enviou aviso de alerta amarela ás institucións e organismos afectados en toda Galicia.
Cara ás 22.35 horas de onte, a Aemet informou ao 112 que dende as 22.00 horas se ían producir chuvias de maior intensidade na zona da Mariña e centro de Lugo, así como na zona Noroeste da provincia da Coruña, que poderían chegar a un acumulado de 60 milímetros cada 12 horas, o que supón o umbral máximo de nivel amarelo.
Diante desta predición, a Dirección Xeral de Emerxencias reiterou o aviso de alerta amarelo, informando do mesmo ás institucións e organismos afectados e, neste caso, facéndoo especificamente a todos os da provincia de Lugo e da zona Noroeste da Coruña.
Ademais, e ante a posibilidade de incremento das incidencias, especialmente dos anegamentos, dispúxose a mobilización e traslado á zona da Mariña do Grupo de Apoio Loxístico da Axega, que continúa a traballar na zona, como fixo ao longo de toda a noite.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
