RIBADEO (FNC) .- A escola de Vilela, acondicionada como albergue provisional de peregrinos, comeza a funcionar a vindeira fin de semana. Conta con 33 prazas que se unen ás 12 que ten o albergue do Cargadeiro. O alcalde agarda que a Xunta licite canto antes as obras de remodelación do antigo colexio das monxas na rúa Trinidade para contar cunhas instalacións con capacidade para acoller a 60 ou 80 camiñantes.
Fernando Suárez sinalou que “Ribadeo, que ten a honra de ser a porta norte de entrada a Galicia deste Camiño de Santiago, está con todo a punto para recibir aos centos ou milleiros de peregrinos que xa están chegando aquí, xa é habitual ver a moita xente pasando pola nosa vila e polas parroquias. Todo esto nos levou, a través dun pequeno convenio coa Xunta, a acondicionar a escola de Vilela para contar con máis prazas de peregrinaxe aquí en Ribadeo. Na actualidade só dispoñiamos de 12 no albergue do Cargadeiro que leva funcionando uns anos e que se ve a todas luces que é insuficiente”. O rexedor agarda que “a palabra dada hai un par de meses a este alcalde polo xerente do Xacobeo non falle e que se liciten canto antes as obras de remodelación do antigo colexio das monxas na rúa Trinidade para facer un albergue realmente importante como merece Ribadeo, de entre 60 e 80 prazas”.
Suárez Barcia explicou que “na escola de Vilela fixemos un albergue transitorio e temporal para este ano xacobeo, instaláronse duchas e servizos nesta escola que quedará rematada nun tempo récord e estará listo xa para esta primeira fin de semana de xullo. As 33 prazas coas que conta súmanse ás 12 que temos en Ribadeo ao pé do Cargadeiro. Todas estas obras da escola de Vilela quedarán para uso e disfrute dos veciños desa parroquia, unha vez que remate este ano santo”.
Voluntarios
O alcalde de Ribadeo tamén subliñou que “xa contamos en Ribadeo cun coordinador do voluntariado, temos tamén a varios voluntarios traballando e aínda está aberto o prazo de inscrición para que todas aquelas persoas que así o desexen poidan anotarse. Só teñen que facer un cursiño on line para poder prestar unha atención especializada aos peregrinos e teñen unha pequena contraprestación económica para que poidan costearse un bocadillo, unha comida, etc. Os interesados en seren voluntarios o único que teñen que facer é achegarse ao Punto de Información ao Peregrino que temos instalado na Oficina de Turismo de Ribadeo”.
Fernando Suárez recalcou que “Ribadeo ten os deberes feitos e agardo que ao longo do verán a Xunta adxudique dunha vez estas obras tan importantes, para o cal conseguimos do anterior goberno bipartito o compromiso de recuperación deste inmoble que era do Bispado, que foi cedido á Xunta, que xa un arquitecto fixo o proxecto básico de execución para convertelo en albergue, e ademais para poder eliminar ese perigo latente que temos nese edificio ao que lle caeu a cuberta hai pouco tempo e que se atopa nunha situación desesperada. Agardamos coa colaboración de todas as administracións levar a bó porto este inmoble tan senlleiro para o casco vello e a partires de agora para o Camiño de Santiago”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
