LUGO .- A Deputación ten despregado dende primeiras horas da mañá un amplo dispositivo formado por 40 operarios e 20 vehículos para atender as incidencias ocasionadas na Mariña polas intensas choivas producidas dende o día de onte. O Presidente do organismo provincial, José Ramón Gómez Besteiro, desprazouse ata esta zona da provincia, onde supervisou dende as 8:30 horas da mañá os danos ocasionados nos Concellos de Burela, Cervo, Viveiro e Foz. Por vía telefónica, os servizos da Deputación puxéronse en contacto cos municipios de Ribadeo, O Vicedo e Xove.
O máximo mandatario provincial, quen decidiu supender a visita que tiña programada este xoves ó muncipio cervense e ó de Valadouro, ordenou que todas as máquinas do Parque Móbil que están a levar a cabo obras de mellora nas vías municipais dos Concellos da provincia se desprazasen ata Burela para atender coa máxima urxencia e celeridade os danos ocasionados neste municipio, que foi un dos máis afectados. Gómez Besteiro subliñou que “dende primeiras horas da mañá estase a despregar todo o operativo, tanto o das empresas encargadas da Conservación como o do Parque Móbil. Neste último caso, as seis máquinas estaban espalladas pola provincia e agora están a traballar nas zonas prioritarias de Burela para dar resposta ós danos que as choivas ocasionaron nas casas e en moitas estradas”.
Ademais das máquinas do Parque Móbil, as empresas adxudicatarias da Conservación da Rede Viaria Provincial continúan a traballar nas estradas da Deputación de todos os municipios mariñanos para atender as incidencias rexistradas, e que provocaron caídas de árbores, asolagamentos nas estradas, así como desprendementos de terra e de pontes que fan imposible a circulación en varios treitos da rede viaria provincia.
Nestes momentos, están pechadas ó tráfico 12 estradas provinciais de 10 Concellos da Mariña. Ademais de en Burela, os principais incidentes rexistráronse en Ribadeo, na CP 5204, que vai de Cedofeita por Arante e Viral, onde se produciu un desprendemento dunha ponte, o que obrigou a que a Deputación desviase o tráfico poar LU-133 de Vilamor a Reme. Asimesmo en Figueirido (Cervo), por mor do desbordamento do río, houbo que abrir a CP 1508. O dispositivo da Deputación tamén se viu obrigado a pechar a CP 6103 de Trabada por Fórnea a Barreiros ó producirse un forte desprendemento da montaña.
Outras estradas que están cortadas nestes momentos na Mariña por asolagamentos e arrastres de pedras son as seguintes: en Barreiros (CP 0610 -enlace praias Altar-Reinante-Os Castros-; e CP 0611 que vai estrada nacional 634 á praia de Coto); Trabada (CP 06103 que comunica esta localidade con Barreiros); Lourenzá (CP 2801 de Santo Tomé, por Adriano e Augaxosa a Mazo); Viveiro (CP 2604 de Xove, por Monte a Valcarría); Ribadeo (CP 5209 da estrada N-634 á praia das Catedrais; e CP 5205 da estrada N-634 á de Portovega); Burela (CP 1510 de San Ciprián, por Marosa, a Burela); e na CP2007 en Foz. Tamén houbo desprendementos en Alfoz, (CP 0202 de San Acisclo por Oiras no lugar de Milicroca; e CP 020 de Feira de San Antonio a Oiran no lugar de Barbeitos).
Outras incidencias noutras zonas da provincia
Outra das zonas que se viron afectadas polas choivas foi a Terra Chá. Concretamente, rexistráronse árbores na calzada en: Castro de Rei (CP 1106, que enlaza este municipio con Bretoña; na CP 1115, no acceso ó polígono industrial; CP 1110 de Ansemar, a Ludrio) e CP 1611 no cinto comarcal en dirección ó municipio chairego; Meira (CP 3003 de Meira por Leiras á N-640, que está cortada en pequenos treitos). En Bóveda, na CP 0910 que vai a Vilarbuxán, tamén se rexistraron árbores na calzada. Tamén houbo desprendementos en Alfoz, (CP 0202 de San Acisclo por Oiras no lugar de Milicroca; e CP 020 de Feira de San Antonio a Oiran no lugar de Barbeitos).
A Deputación continúa en alerta ante o temporal no día de hoxe para atender calquera tipo de incidencia que poida xurdir na rede viaria provincial e garantir a seguridade dos viandantes, así como en vindeiros días para arranxar os danos ocasionados e para que a situación se restableza canto antes.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
