A MARIÑA .- A Deputación anuncia que comezou a investir 1,2 millóns de euros no arranxo dos danos ocasionados na Mariña pola borrasca Doris. As máquinas do Parque Móbil trasladáronse en menos de 10 horas á Mariña, onde permanecerán mes e medio para arranxar as vías municipais, o rápido dispositivo despregado fixo que dende o sábado se puidese circular con normalidade polas estradas provinciais, a excepción dunha en Foz e outras dúas en Ribadeo e Pontenova, nas que se está a traballar ininterrompidamente, explican
Nota de Prensa
A Deputación comezou a investir 1,2 M€ no arranxo dos danos ocasionados na Mariña pola borrasca Doris
– O rápido dispositivo despregado fixo que dende o sábado se puidese circular con normalidade polas estradas provinciais, a excepción dunha en Foz e outras dúas en Ribadeo e Pontenova, nas que se está a traballar ininterrumpidamente
– As máquinas do Parque Móbil trasladáronse en menos de 10 horas á Mariña, onde permanecerán mes e medio para arranxar as vías municipais, aforrando 300.000 euros ós Concellos
– Técnicos provinciais están a supervisar esta semana a zona para coordinar cos Concellos o plan a seguir, que o Presidente lles presentará ós Alcaldes o vindeiro luns
O Presidente da Deputación, José Ramón Gómez Besteiro, a Vicepresidenta Segunda, Lara Méndez, e o Alcalde de Burela, Alfredo Llano, supervisaron este luns os traballos que están a realizar as máquinas do Parque Móbil para reparar os danos producidos pola borrasca Doris dende a madrugada do pasado mércores nas vías municipais deste Concello. Gómez Besteiro anunciou que, en total, a Deputación destinará ó arrranxo das estradas locais e provinciais 1,2 millóns de euros, dos que 900.000 euros corresponden ós danos producidos na rede viaria provincial e 300.000 ós traballos que realizarán ás máquinas da Deputación para o arranxo das vías municipais.
O titular provincial subliñou que “a Deputación actuou coa máxima celeridade, xa que a borrasca iniciouse na madrugada do mércores e as máquinas do Parque Móbil trasladáronse en menos de 10 horas a este municipio, cancelando todos os restantes traballos previstos na provincia”. Neste senso, o máximo mandatario provincial sinalou que “lamentablemente a Mariña foi a grande perxudicada, e este Concello é unha das zonas 0”.
Gómez Besteiro anunciou que as máquinas do Parque Móbil permanecerán na Mariña durante un mes e medio para arranxar os danos producidos na vías municipais dos Concellos afectados. En total, traballarán na zona 3 equipos de rego, formados por 3 cisternas de emulsión asfáltica, 2 camións gravilleiros e 3 apisonadoras, ademais de 2 equipos de limpeza, compostos por 2 motoniveladoras, 2 camións basculantes e outras tantas palas. Asimesmo, técnicos da Deputación desprazaranse esta mesma semana á Mariña para coordinar cos Concellos as actuacións do Parque Móbil a seguir nos vindeiros días, e o luns Gómez Besteiro reunirase con todos os Alcaldes para presentarlles o plan consensuado.
Trátase dunha medida máis de cooperación cos municipios por parte do Parque Móbil. Os traballos que as máquinas levarán a cabo suporán un custe para o organismo provincial duns 50 millóns das antigas pesetas. “Deste xeito, a Deputación axuda a que esta zona da provincia recobre a normalidade, ó tempo que lle aforramos ás arcas municipais o custe da contratación dos traballos”, subraiou Besteiro.
900.000 euros de danos na rede viaria provincial
Dende primeiras horas da mañá do xoves a Deputación despregou un amplo dispositivo formado por preto dun cento de operarios e máis de 60 vehículos para atender as incidencias producidas pola forte borrasca que obrigou a pechar ó trafico 22 estradas de titularidade provincial por asolagamentos, desprendementos de taúdes e de pontes ou caídas de árbores durante o temporal. Son as seguintes: Cervo (CP 1505), Ourol (CP 6502), Viveiro (CP 6604), Ribadeo (CPs 5203, 5204, 5209, 5205 e 5207), Trabada (CPs 6101, 6103, 6104 e 5204), Lourenzá (CP 2801), A Pontenova (CP 4809), Foz (CP 2007), Meira (CP 3003), Cospeito (CP 1703), Bóveda (CPs 0907 e 0910), Páramo (5705), Paradela (CP 4203 e a de San Facundo).
A celeridade do dispositivo xa permitiu cuantificar os danos. As intensas choivas provocaron importantes destrozos en toda a rede viaria provincial, valorados en 900.000 euros. Durante os últimos días as empresas ás que a Deputación adxudicou a Conservación da súas estradas traballaron de xeito ininterrumpido para restablecer a situación na provincia e, principalmente, na Mariña. De feito, durante o día do sábado xa quedaron todos os viais limpos e tan só, nestes momentos, permanecen cortados tres: a CP 5204 en Ribadeo, onde as choivas ocasionaron o derrubamento da ponte que unía as parroquias de A Ponte e de Arante, e as CPs 2007, en Foz, e CP 4809, en Pontenova, por fundimento da calzada. Para a execución dos traballos, a Deputación realizará unha proposta de emerxencia, de tal xeito que en Foz e Pontenova poderase circular con normalidade no prazo dun mes. No caso do de Ribadeo, por ter unha maior afectación, a Deputación realizará un proxecto de obra para a reconstrución da ponte que sofriu importantes danos estruturais, situada á altura do punto quilométrico 0,150. Esta actuación terá un investimento de 150.000 euros e un prazo de execución 3 meses.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
