LUGO .- A Deputación pretende profesionalizar o turismo rural na provincia co programa Lug02. Dentro de esta iniciativa preto de 1.000 establecementos e máis de 100 produtos autóctonos optan ás marcas de calidade Lug02 e Lugosabe, destinadas ás empresas turísticas e de produtos das Reservas da Biosfera e da comarca do Courel
Nota de Prensa
A Deputación profesionaliza o turismo rural na provincia co programa Lug02
– Lara Méndez clausura a xornada sobre a creación de empresas neste sector e na que participaron as principais asociacións empresariais de Lugo
– Preto de 1.000 establecementeos e máis de 100 produtos autóctonos optan ás marcas de calidade Lug02 e Lugosabe, destinadas ás empresas turísticas e de produtos das Reservas da Biosfera e da comarca do Courel
A Vicepresidenta Segunda da Deputación, Lara Méndez, clausurou a xornada sobre a a creación de empresas no sector do turismo rural que se desenvolveu este venres no CEI-NODUS. A iniciativa, que se inclúe no marco do programa europeo Lug02 financiado con fondos FEDER, contou coa participación de representantes de asociacións empresariais da provincia, quenes amosaron o seu interese polo porgrama coa que a Deputación demostrou que o medio ambiente é unha oportunidade económica e, sobre todo, pola liña de actuación destinada a mellorar a profesionalización dos negocios vinculados a este tipo de turismo.
Lara Méndez destacou que “ó igual que executamos outras iniciativas como un programa anticrise para a competitividade das PEMES de Lugo ou puxemos en marcha os cursos de formación para que os nosos gandeiros aforren na xestión de residuos do gando, queremos afianzar o turismo rural co fin de crear novos postos de traballo e oportunidades de negocio para os que aposten polo emprego verde. ”
A Vicepresidenta Segunda explicou que “con este obxectivo puxemos en marcha esta xornada e creamos as marcas Lug02 e Lugosabe e, nestes momentos, 900 establecementos de carácter rual e máis de 100 produtos de 37 Concellos optan a estes distintivos cos que buscamos xerar riqueza coa posta en valor dos recursos naturais e o uso das novas tecnoloxías. O obxectivo é que Lugo sexa un referente en España dentro do turismo rural. Se todos xuntos apostamos pola economía verde non só conseguiremos isto senón que tamén estaremos contribuíndo a que a provincia acade un maior desenvolvemento”.
A marca Lug02 está dirixida a establecementos turísticos como hoteis, balnearios, campamentos, casas rurais, pazos, restaurantes ou comercios. Este distintivo, ademais de rexerse polas Normas de Calidade Turística –ICTE- que avalan servizos óptimos como accesos para persoas con discapacidade, material informativo en todos os idiomas, infraestruturas de calidade ou atención de persoal cualificado, está ligado á implantación das novas tecnoloxías, á conservación do medioambiente e ó impulso dos produtos alimenticios da provincia.
As empresas Lug02 deben garantir a conexión a Internet, favorecer o emprego de fontes de enerxía renovables, reducir a xeración de residuos, o consumo da luz, agua e incluír medidas encamiñadas á educación ambiental e á sensibilización co entorno natural. Este distintivo obriga a ser punto de comercialización de produtos Lugosabe, de alimentos coa Denominación de Orixe, coa Indicación Xeográfica Protexida ou rexistrados no Consello Regulador da Agricultura Ecolóxica de Galicia –CRAEGA-. Deste xeito, no caso dun restaurante ou dun hotel, deberase incluír no menú o consumo destes produtos e mesmo ter lugares de venda.
A marca Lugosabe ofrece produtos autóctonos sometidos a rigorosas prácticas hixiénicas e de control en toda a cadea de fabricación. O obxectivo desta marca é revalorizar o produto agroalimentario.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
