LUGO .- A Deputación, a través do Plan de Comunidades Veciñais, subvencionou 9 obras en Riotorto con máis de 73 mil euros. O presidente da Deputación participou na inauguración da igrexa de San Pedro, Riotorto, que foi rehabilitada dentro dos Plans de Comunidades Veciñais.
NOTA DE PRENSA
A Deputación mellora o abastecemento de auga de Begonte aforrando máis de 300.000 euros ó Concello
– A Xunta de Goberno aprobou hoxe a contratación desta iniciativa que se inclúe dentro do Plan Extraordinario de Obra Pública
– A Deputación asume o custe da primeira fase desta actuación tan demandada polos veciños, e reclama que a Xunta de Galicia realice a aportación que tamén ten comprometida para completar o proxecto
– A Deputación, a través do Plan de Comunidades Veciñais, subvencionou 9 obras en Riotorto con máis de 73.000 euros
A Deputación mellorará o abastecemento de auga potable de Begonte dentro do Plan Extraordinario de Obra Pública, creado para adiantarse á saída da crise e para contribuir a manter os postos de traballo neste momento económico. As obras inclúen a renovación das infraestruturas existentes tanto no núcleo begontino como no de Baamonde. Precisamente, o Presidente da Deputación, José Ramón Gómez Besteiro, acompañado do Alcalde de Begonte, José Antonio Vázquez García, visitaron este venres unha das zonas desta última localidade, na que actuará o organismo provincial.
En total, a Deputación destina a este fin 334.000 euros, que corresponden á primeira fase deste proxecto. Os núcleos de Begonte e Baamonde posúen na actualidade unha rede de abastecemento moi deteriorada polo paso dos anos. Deste xeito, con esta actuación, o organismo provincial aforra este custe ó Concello ó tempo que dota ós veciños deste municipio dunha infraestrutura moi demandada, xa que, tal e como explicou o titular provincial, “algúns barrios como o de Silvosa non teñen a presión de auga suficiente para realizar algunhas actividades domésticas, que esixen dunha potencia elevada, como pode ser poñer unha lavadora. Isto é un problema gravísimo. A isto hai que engadir as continuas avarías que se producen nas tubaxes, o que obriga ó Concello a pagar máis de 50.000 euros anuais en arranxos”.
Trátase da primeira fase dunha obra que en total supera os 670.000 euros. O Concello, ante a imposibilidade de executala, solicitou a axuda da Deputación e da Xunta de Galicia. O organismo provincial fixo os deberes e cumpre cos veciños de Begonte, pero a administración autonómica aínda non realizou a aportación necesaria para que o Concello complete o abastecemento. Neste senso, Gómez Besteiro esixiu ó Executivo galego “que cumpra como o fixo a Deputación. Todas as administracións estamos a pasar un momento difícil e todos estamos a desenvolver plans de austeridade, pero hai algúns que parece que a súas competencias non van con eles. Isto vai a provocar que comezemos a preguntar quen está o frente do goberno de todos os galegos”.
Pola súa banda, o Alcalde agradeceu a celeridade do organismo provincial para poñer en marcha esta iniciativa “porque foi pedirllo ó Presidente e inmediatamente resolveu o problema. Agora ten que cumprir a Xunta, e queremos que o faga xa porque a Deputación xa puxo a súa parte”.
Comunidades Veciñais en Riotorto
O Presidente a Deputación participou na inauguración da igrexa de San Pedro (Riotorto) que foi rehabilitada dentro dos Plans de Comunidades Veciñais de 2008 e 2009. Concretamente, con cargo a esta iniciativa, o organismo provincial subvencionou en total 9 obras durante os últimos dous anos, achegando 73.163 euros.
A igrexa data de 1760 e grazas a este Plan melloráronse as sacristías e a cuberta, os accesos ó cemiterio parroquial e procedeuse ó saneamento do aparcadoiro. Os traballos tamén incluiron o pintado do campanario. Gómez Besteiro destacou que “é unha satisfacción comprobar os bos resultados que está a dar o Plan da Deputación porque esta é unha obra pequena, pero se o Concello nos contase coa colaboración provincial, nunca se podería levar a cabo”.
Precisamente, hai un mes o máximo mandatario provincial xa estivera neste Concello supervisando os traballos que realizaron as máquinas do Parque Móbil nas vías municipais, actuación coa que lle aforrou a este municipio outros 80.000 euros. Nesta mesma visita, o Presidente anunciara que xa se están expropiando os terreos da estrada provincial que comunica Marco de Álvare coas Rodrigas, un proceso no que se invisten 500.000 euros, para comezar os traballos logo do verán, e poñer fin á débeda histórica que mantiña a Deputación con este Concello.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
