CERVO .- O equipo de Goberno local do Concello de Cervo ten previsto acometer unha rebaixa dos seu soldos por segunda vez nos últimos doce meses. Así o deu a coñecer hoxe o alcalde, Alfonso Villares.
Esta rebaixa de salario afectará ao alcalde (que pasara de cobrar 42.840 euros ao ano a cobrar 39.841) e á concelleira de Medio Ambiente, Servizos Sociais e Protección Civil, Pilar Armada (cuxo soldo pasará de 16.165 euros anuais a 15.355 euros).
Ademais da contención nos emolumentos destes dous responsables municipais, o grupo de Goberno local tamén ten previsto rebaixar as contías económicas pola asistencia aos órganos colexiados do Concello e as asignacións aos grupos políticos. Así, está previsto que cada grupo político pase de percibir un compoñente fixo de 1.200 a 40 euros anuais, e un variable en función do número de membros de cada grupo de 400 euros anuais por concelleiro (ata o de agora a contía por este concepto era de 600 euros ao ano). Tamén haberá unha rebaixa de 100 a 20 euros por asistencia aos plenos.
Segundo axuste nos últimos doce meses
Alfonso Villares indicou que con estas medidas o concello tentará aforrar ao redor de 3.807 euros anuais en retribucións dos membros con responsabilidades de goberno e lembrou que esta é a segunda vez que o equipo de Goberno local decide acometer unha rebaixa dos seus salarios nos últimos doce meses. “Xa en xuño de 2009 reducimos nun 23% o gasto referido as cantidades percibidas polos membros do grupo de Goberno, pasando de 104.000 a 79.940,24 euros ao ano e agora, con esta segunda rebaixa, pasaremos a destinar por este concepto uns 76.132 euros anuais, aos que hai que sumar o aforro en gastos dos órganos colexiados e por grupos políticos en máis de 8.000 euros ao ano” indicou o rexedor.
O alcalde afirmou que esta contención do gasto municipal no referente ás retribucións de cargos públicos enmárcase dentro da política de austeridade posta en marcha o ano pasado polo grupo de Goberno local a través do seu plan de saneamento económico-financeiro e no cal se recollían medidas coma a conxelación das retribucións aos os órganos de Goberno, asistencias a plenos e aos grupos municipais dende o ano 2008. “A maiores de todo o que xa levamos feito neste sentido decidimos afrontar un novo recorte dos gastos có obxecto de paliar en parte a merma de investimentos e axudas procedentes do Goberno central e para garantir na medida das nosas posibilidades o nivel de servizos que estamos a prestar aos cidadáns” indicou o rexedor.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
