O Presidente da Deputación, José Ramón Gómez Besteiro, recibiu a un grupo de AFAMMER de Foz e a outro de solicitantes individuais no Pazo de San Marcos dentro do programa medio ambiental. Os 48 veciños de Foz desprazáronse ata a Ribeira Sacra, onde visitaron a adega Abadía da Cova e fixeron un percorrido en catamarán dende Chouzán a Igrexa, ademais de subir ó miradoiro de Cabo do Mundo. Así mesmo, os 48 solicitantes individuais sobrevoaron a ría de Ribadeo en helicóptero. A ruta tamén incluíu unha visita ó Mosteiro das Clarisas e ó casco histórico deste Concello mariñán.
O mércores, 48 integrantes da Asociación de Veciños “Augas Férreas de Vileiriz” (Páramo) decantaranse pola Montaña. Nesta zona da provincia, visitarán as pallozas do Piornedo e o pobo de Donís. Ese mesmo día, outras tantas persoas visitarán Avifauna e redescubrirán o Concello de Lugo en helicóptero.
Finalmente, o xoves 48 membros da Asociación de Veciños de Salcedo (Pobra de Brollón) viaxarán ata o Concello de Ribadeo. Neste caso, o itinerario incluirá unha visita ás praias das Catedrais e dos Castros, ó porto de Rinlo e ó aeródromo de Villaframil.