NOTA DE PRENSA:
Se trata dun “home da casa”, que coñece o hospital “onde traballa fai anos”, os retos do sistema público comarcal e que saberá aplicar as medidas máis acertadas para afrontar os futuros desafíos
O PP SALIENTA “A AMPLA EXPERIENCIA PROFESIONAL” DE JOSE ÍNSUA TANTO NO ÁMBITO DA MEDICINA COMO NA XESTIÓN DE INTERESES E RECURSOS PÚBLICOS
* Achaca a excesiva belixerancia de PSOE e BNG nas súas primeiras valoracións a que estes partidos queren “que o Hospital vaia mal” e contrasta este desexo co dito hoxe por Pilar Farjas que anunciou que dotará ao Hospital de novos avances tecnolóxicos.
A Mariña, 25 de maio de 2010.- O Partido Popular da Mariña a través do deputado e secretario da Mesa do Parlamento Jose Manuel Basleiro Orol cualificou de “excelente noticia” o nomeamento do doutor Jose Ínsua como novo director xerente do Hospital da Costa e salientou a súa “ampla experiencia profesional, máis que contrastada” tanto na súa condición de médico do Servizo Galego de Saúde en exercicio -ata o momento traballaba na área de Urxencias do Hospital- como tamén como administrador de intereses e recursos públicos “foi alcalde de Cervo durante oito anos, durante os que xestionou moi acertadamente o Concello, circunstancia da que podo dar fe pois compartín en todo ese tempo a responsabilidade do goberno municipal como o seu tenente de alcalde”
Os populares non quixeron pasar polo alto o feito de que Ínsua forma parte desde fai anos do cadro de persoal do Hospital da Costa e polo tanto que se trata dun “home da casa”, que coñece o centro “desde dentro, as súas características, que é moi consciente dos retos para a mellora da sanidade comarcal e saberá polo tanto aplicar as medidas máis axeitadas para afrontar estes desafíos”. No Partido Popular cren especialmente acertado a elección da conselleira de Sanidade, Pilar Farjas, xa que soubo escoller o novo director dentro do Hospital da Costa “como recoñecemento ao alto grado de preparación e profesionalidade dos seus traballadores”.
No Partido Popular comarcal atribúen a “excesiva belixerancia” do PSOE e BNG nas súas primeiras valoracións do relevo ao fronte da xerencia do hospital da Burela a que as antigas forzas do bipartito “saben que se trata dunha boa elección, e dunha persoa que se significará polos seus acertos na xestión”, o que, a xuízo do PP, dificulta a estratexia seguida por estas forzas políticas na oposición “ás que lle gustaría que o Hospital fora mal, para manter o seu incoherente discurso sobre o desmantelamento do centro algo que por suposto é absolutamente falso”. Nesa liña subliñan tamén a importancia dos anuncios efectuados no día de hoxe pola propia Conselleira quen adiantou investimentos millonarios para a dotación de máis moderna tecnoloxía (mamógrafo dixital, ecógrafo e ecocardiógrafo) que se unen ás obras xa programadas.
MÁIS COMPETENCIAS
Finalmente desde o Partido Popular comarcal salientaron a crecente importancia que adquire a figura do xerente do Hospital da Costa toda vez que por decisión do novo Goberno terá nun futuro próximo novas responsabilidades de xestión, “agora tamén sobre os centros de saúde da área sanitaria” e, tal e como confirmou a conselleira de Sanidade no Parlamento “sobre todos os recursos humanos, materiais, infraestruturas e prestacións da área sanitaria” no norte lucense
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
